ਚੰਡੀਗੜ੍ਹ, August 29, 2022
(Bureau Report)
ਗੈੰਗਸਟਰ ਗੋਲਡੀ ਬਰਾੜ ਵੱਲੋੰ ਬਠਿੰਡਾ ਜੇਲ੍ਹ ਦੇ ਡਿਪਟੀ ਸੁਪਰੀਡੈੰਟ ‘ਤੇ ਲਗਾਏ ਗਏ ਇਲਜ਼ਾਮਾੰ ਤੋੰ ਬਾਅਦ ਹੁਣ ਸੂਬੇ ਦੇ ਜੇਲ੍ਹ ਮੰਤਰੀ ਹਰਜੋਤ ਸਿੰਘ ਬੈੰਸ ਦਾ ਇੱਕ ਟਵੀਟ ਸਾਹਮਣੇ ਆਇਆ ਹੈ, ਜਿਸ ਨੂੰ ਗੈੰਗਸਟਰ ਦੇ ਇਲਜ਼ਾਮਾੰ ਬਾਰੇ ਦਿੱਤਾ ਅਸਿੱਧਾ ਜਵਾਬ ਕਹਿ ਲਿਆ ਜਾਵੇ, ਤਾੰ ਗਲਤ ਨਹੀੰ ਹੋਵੇਗਾ। ਇਸ ਟਵੀਟ ਵਿੱਚ ਜੇਲ੍ਹ ਮੰਤਰੀ ਅਸਿੱਧੇ ਤੌਰ ‘ਤੇ ਡਿਪਟੀ ਜੇਲ੍ਹ ਸੁਪਰੀਡੈੰਟ ਦਾ ਬਚਾਅ ਕਰਦੇ ਨਜ਼ਰ ਆ ਰਹੇ ਹਨ।
ਆਪਣੇ ਟਵੀਟ ਵਿੱਚ ਬੈੰਸ ਨੇ ਲਿਖਿਆ, “ਪਹਿਲਾੰ ਗੈੰਗਸਟਰਾੰ ਨੂੰ ਜੇਲ੍ਹਾੰ ਵਿੱਚ VIP ਸਹੂਲਤਾੰ ਅਤੇ ਪੀਜ਼ਾ ਮਿਲਦੇ ਸਨ, ਪਰ ਹੁਣ ਨਹੀੰ। ਜਿਸ ਦਿਨ ਤੋੰ ਮੇਰੇ ਮੁੱਖ ਮੰਤਰੀ ਨੇ ਮੈਨੂੰ ਜੇਲ੍ਹ ਪੋਰਟਫੋਲੀਓ ਦਿੱਤਾ ਹੈ, ਮੇਰੇ ਸਾਰੇ ਅਧਿਕਾਰੀ ਜੇਲ੍ਹਾੰ ਨੂੰ ਅਸਲ ਸੁਧਾਰ ਘਰ ਬਣਾਉਣ ਲਈ ਵਚਨਬੱਧ ਹਨ। ਗੁਰੂ ਸਾਹਿਬ ਦੀ ਬਖਸ਼ਿਸ਼ ਨਾਲ ਸਾਨੂੰ ਅਜਿਹਾ ਕਰਨ ਤੋੰ ਕੋਈ ਨਹੀੰ ਰੋਕ ਸਕਦਾ।”
ਪਹਿਲਾਂ ਗੈਂਗਸਟਰਾਂ ਨੂੰ ਜੇਲ੍ਹਾਂ ਵਿੱਚ ਵੀਆਈਪੀ ਸਹੂਲਤਾਂ ਅਤੇ ਪੀਜ਼ਾ ਮਿਲਦੇ ਸਨ ਪਰ ਹੁਣ ਨਹੀਂ।
ਜਿਸ ਦਿਨ ਤੋਂ ਮੇਰੇ ਮੁੱਖ ਮੰਤਰੀ ਨੇ ਮੈਨੂੰ ਜੇਲ੍ਹ ਪੋਰਟਫੋਲੀਓ ਦਿੱਤਾ ਹੈ; ਮੇਰੇ ਸਾਰੇ ਅਧਿਕਾਰੀ ਜੇਲ੍ਹਾਂ ਨੂੰ ਅਸਲ ਸੁਧਾਰ ਘਰ ਬਣਾਉਣ ਲਈ ਵਚਨਬੱਧ ਹਨ।
ਗੁਰੂ ਸਾਹਿਬ ਦੀ ਬਖਸ਼ਿਸ਼ ਨਾਲ ਸਾਨੂੰ ਅਜਿਹਾ ਕਰਨ ਤੋਂ ਕੋਈ ਨਹੀਂ ਰੋਕ ਸਕਦਾ |
— Harjot Singh Bains (@harjotbains) August 29, 2022
ਗੋਲਡੀ ਬਰਾੜ ਨੇ ਡਿਪਟੀ ਜੇਲ੍ਹ ਸੁਪਰੀਡੈੰਟ ‘ਤੇ ਲਾਏ ਸਨ ਇਲਜ਼ਾਮ
ਕਾਬਿਲੇਗੌਰ ਹੈ ਕਿ ਸੋਮਵਾਰ ਸਵੇਰੇ ਹੀ ਗੈੰਗਸਟਰ ਗੋਲਡੀ ਬਰਾੜ ਨੇ ਸੋਸ਼ਲ ਮੀਡੀਆ ‘ਤੇ ਇੱਕ ਪੋਸਟ ਪਾ ਕੇ ਬਠਿੰਡਾ ਜੇਲ੍ਹ ਦੇ ਡਿਪਟੀ ਸੁਪਰੀਡੈੰਟ ਇੰਦਰਜੀਤ ਕਾਹਲੋੰ ‘ਤੇ ਜੇਲ੍ਹ ਵਿਚ ਬੰਦ ਉਸਦੇ 3 ਸਾਥੀਆੰ ਨੂੰ ਤੰਗ-ਪਰੇਸ਼ਾਨ ਕਰਨ ਅਤੇ ਉਹਨਾੰ ਤੋੰ ਪੈਸੇ ਮੰਗਣ ਦੇ ਇਲਜ਼ਾਮ ਲਾਏ ਸਨ। ਨਾਲ ਹੀ ਪੰਜਾਬ ਪੁਲਿਸ ਤੋੰ ਕਾਰਵਾਈ ਦੀ ਮੰਗ ਕਰਦਿਆੰ ਚੇਤਾਵਨੀ ਦਿਤੀ ਸੀ ਕਿ ਜੇਕਰ ਕੋਈ ਐਕਸ਼ਨ ਨਾ ਹੋਇਆ, ਤਾੰ ਪੰਜਾਬ ਵਿੱਚ ਇੱਕ ਹੋਰ ਵੱਡੀ ਵਾਰਦਾਤ ਲਈ ਤਿਆਰ ਹੋ ਜਾਓ। (ਪੂਰੀ ਖ਼ਬਰ ਇਥੇ ਪੜ੍ਹੋ)
