ਬਿਓਰੋ। ਪੰਜਾਬ ਦੀ ਕਾਂਗਰਸ ਸਰਕਾਰ 2017 ‘ਚ ਕੀਤੇ ਚੋਣ ਵਾਅਦਿਆਂ ਨੂੰ ਲੈ ਕੇ ਆਪਣਿਆਂ ‘ਚ ਹੀ ਘਿਰੀ ਨਜ਼ਰ ਆ ਰਹੀ ਹੈ। ਸਰਕਾਰ ਦੇ ਮਨਸੂਬਿਆਂ ‘ਤੇ ਸਭ ਤੋਂ ਵੱਧ ਸਵਾਲ ਚੁੱਕਣ ਵਾਲੇ ਸਾਬਕਾ ਕੈਬਨਿਟ ਮੰਤਰੀ ਨਵਜੋਤ ਸਿੰਘ ਸਿੱਧੂ ਇੱਕ ਵਾਰ ਫਿਰ ਸਰਕਾਰ ‘ਤੇ ਹਮਲਾਵਰ ਹਨ। ਇਸ ਵਾਰ ਉਹਨਾਂ ਨੇ ਡਰੱਗਜ਼ ਦੇ ਮੁੱਦੇ ਨੂੰ ਲੈ ਕੇ DGP ਦੇ ਬਹਾਨੇ ਨਿਸ਼ਾਨਾ ਸਾਧਿਆ ਹੈ।
DGP ਦੇ ਨਾੰਅ ਇੱਕ ਟਵੀਟ ਕਰਦਿਆਂ ਨਵਜੋਤ ਸਿਁਧੂ ਨੇ ਕਿਹਾ, “ਤੁਸੀਂ ਮਜੀਠੀਆ ਦਾ ਕੀ ਕੀਤਾ ਹੈ? ਜਿਹਨਾਂ ਨੇ ਪੰਜਾਬ ‘ਚ ਕੈਮੀਕਲ ਡਰੱਗ ਫ਼ੈਕਟਰੀ ਬਣਾਉਣ ਲਈ ਸਿਆਸੀ ਸਹੂਲਤ ਅਤੇ ਸੁਰੱਖਿਆ ਮੁਹੱਈਆ ਕਰਵਾਈ? ਸਰਕਾਰ ਨੂੰ ਮਾਣਹੋਗ ਹਾਈਕੋਰਟ ਵੱਲੋਂ ਭੇਜੀ ਗਈ STF ਦੀ ਰਿਪੋਰਟ ‘ਚ ਵੱਡੀ ਮੱਛੀ ਦਾ ਜ਼ਿਕਰ ਆਉਣ ‘ਤੇ ਤੁਸੀਂ ਕੀ ਐਕਸ਼ਨ ਲਿਆ? ਇਸ ਲਈ ਅੱਜ ਉਹ ਸਾਡੇ ‘ਤੇ ਕੇਸ ਦਰਜ ਕਰਨ ਦੀ ਧਮਕੀ ਦਿੰਦੇ ਹਨ।”
To DGP … What have you done about Majithia ? About those who gave political facilitation & protection to set-up Chemical Drug Factory in Punjab ? What is action taken on Big fish mentioned in STF report sent by Hon High Court to Govt ? Thus today he threatens to put cases on us pic.twitter.com/RjtZKm3m2p
— Navjot Singh Sidhu (@sherryontopp) June 26, 2021
ਆਪਣੇ ਟਵੀਟ ‘ਚ ਸਿੱਧੂ ਨੇ STF ਰਿਪੋਰਟ ‘ਤੇ ਅਧਾਰਤ ‘ਏਬੀਪੀ ਸਾਂਝਾ’ ਦੀ ਖ਼ਬਰ ਵੀ ਸਾਂਝੀ ਕੀਤੀ ਹੈ, ਜਿਸ ‘ਚ STF ਦੇ ਹਵਾਲੇ ਤੋਂ ਕਿਹਾ ਗਿਆ ਹੈ ਕਿ ਪੰਜਾਬ ਸਰਕਾਰ ‘ਚ ਮੰਤਰੀ ਰਹਿੰਦਿਆਂ ਮਜੀਠੀਆ ਡਰੱਗ ਸਮੱਗਲਰਾਂ ਦੀ ਮਦਦ ਕਰਦੇ ਸਨ ਅਤੇ ਉਹਨਾਂ ਨੂੰ ਪੰਜਾਬ ‘ਚ ਡਰੱਗ ਸਪਲਾਈ ਬਾਰੇ ਜਾਣਕਾਰੀ ਸੀ।
ਡਰੱਗ ਤਸਕਰ ਨੇ ਲਿਆ ਸੀ ਮਜੀਠੀਆ ਦਾ ਨਾੰਅ
ਕਾਬਿਲੇਗੌਰ ਹੈ ਕਿ ਕੌਮਾਂਤਰੀ ਡਰੱਗ ਤਸਕਰ ਜਗਦੀਸ਼ ਭੋਲਾ ਨੇ 7 ਸਾਲ ਪਹਿਲਾਂ ਕੋਰਟ ‘ਚ ਪੇਸ਼ੀ ਦੌਰਾਨ ਮੀਡੀਆ ਦੇ ਸਾਹਮਣੇ ਤਤਕਾਲੀ ਕੈਬਨਿਟ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਦਾ ਨਾੰਅ ਲਿਆ ਸੀ, ਜਿਸ ਨੂੰ ਲੈ ਕੇ ਸੂਬੇ ‘ਚ ਖੂਬ ਸਿਆਸਤ ਵੇਖਣ ਨੂੰ ਮਿਲੀ। ਕਾਂਗਰਸ ਨੇ ਇਸ ਪੂਰੇ ਮਾਮਲੇ ‘ਚ CBI ਜਾਂਚ ਦੀ ਮੰਗ ਕੀਤੀ ਸੀ।
