ਬਿਓਰੋ। ਪੰਜਾਬ ਵਿੱਚ ਆਮ ਆਦਮੀ ਪਾਰਟੀ ਅਤੇ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਵਿਚਕਾਰ ਸਿਆਸੀ ਤਕਰਾਰ ਲਗਾਤਾਰ ਤਿੱਖੀ ਹੁੰਦੀ ਜਾ ਰਹੀ ਹੈ। ਹੁਣ ਬਹਿਸ ਦੀ ਚੁਣੌਤੀ ਨੂੰ ਲੈ ਕੇ ਸਿੱਧੂ ਅਤੇ ‘ਆਪ’ ਆਗੂ ਆਹਮੋ-ਸਾਹਮਣੇ ਹਨ। ਦਰਅਸਲ, ਸਿੱਧੂ ਨੇ ਕੇਜਰੀਵਾਲ ਨੂੰ ਬਹਿਸ ਦੀ ਚੁਣੌਤੀ ਦਿੱਤੀ, ਤਾਂ ਕੇਜਰੀਵਾਲ ਨੇ ਉਸ ਨੂੰ ਸਵੀਕਾਰ ਕਰ ਲਿਆ। ਨਾਲ ਹੀ ਕਿਹਾ ਕਿ ਉਹ ਖੁਦ ਨਹੀਂ, ਬਲਕਿ ਭਗਵੰਤ ਮਾਨ ਸਿੱਧੂ ਦੇ ਨਾਲ ਬਹਿਸ ਕਰਨਗੇ।
ਕੇਜਰੀਵਾਲ ਨੇ ਕਿਹਾ ਕਿ ਸਿੱਧੂ ਪਾਰਟੀ ਦੇ ਪ੍ਰਧਾਨ ਹਨ, ਇਸ ਲਈ ਉਨ੍ਹਾਂ ਦੀ ਪਾਰਟੀ ਦੇ ਪੰਜਾਬ ਪ੍ਰਧਾਨ ਭਗਵੰਤ ਮਾਨ, ਸਿੱਧੂ ਨਾਲ ਬਹਿਸ ਕਰਨਗੇ। ਕੇਜਰੀਵਾਲ ਨੇ ਸਿੱਧੂ ਨੂੰ ਕਿਹਾ ਕਿ ਜਗ੍ਹਾ ਅਤੇ ਸਮਾਂ ਉਹ ਫਿਕਸ ਕਰ ਲੈਣ, ਆਮ ਆਦਮੀ ਪਾਰਟੀ ਬਹਿਸ ਲਈ ਤਿਆਰ ਹੈ।
ਮਾਨ ਨਾਲ ਬਹਿਸ ਕਰਨ ਤੋਂ ਸਿੱਧੂ ਦਾ ਇਨਕਾਰ
ਸਿੱਧੂ ਨੇ ਕੇਜਰੀਵਾਲ ਨੂੰ ਜਵਾਬ ਦਿੰਦਿਆਂ ਕਿਹਾ, “ਭਗਵੰਤ ਮਾਨ ਉਹ CM ਨਹੀਂ ਹਨ, ਜੋ ਦਿੱਲੀ ਵਿੱਚ ਬਾਦਲਾਂ ਅਤੇ ਬਲੈਕਲਿਸਟੇਡ MLA ਦੀਪ ਮਲਹੋਤਰਾ ਦੇ ਨਾਲ ਮਿਲ ਕੇ ਸ਼ਰਾਬ ਮਾਫੀਆ ਚਲਾ ਰਹੇ ਹਨ। ਦਿੱਲੀ ਵਿੱਚ ਕਾਲੇ ਕਾਨੂੰਨ ਨੂੰ ਭਗਵੰਤ ਮਾਨ ਨੇ ਨੋਟੀਫਾਈ ਨਹੀਂ ਕੀਤਾ। ਭਗਵੰਤ ਮਾਨ ਨੇ ਬਾਦਲਾਂ ਦੀਆਂ ਬੱਸਾਂ ਨੂੰ ਦਿੱਲੀ ਏਅਰਪੋਰਟ ਤੱਕ ਮੁਨਾਫ਼ੇ ਵਾਲੇ ਰੂਟ ਲਈ ਦਵਾਏ।” ਇਸਦੇ ਨਾਲ ਹੀ ਸਿੱਧੂ ਨੇ ਕਿਹਾ ਕਿ ਕੇਜਰੀਵਾਲ ਖੁਦ ਆ ਕੇ ਉਨ੍ਹਾਂ ਦੇ ਨਾਲ ਬਹਿਸ ਕਰਨ।
–@ArvindKejriwal, Bhagwant is not the CM who is running Liquor Mafia with Badals Blacklisted MLA Deep Malhotra … He was not the one who notified Black Farm Law in Delhi !! Who is allowing Badals buses on the lucrative routes to Delhi Airport ? Come debate with me masquerader !! pic.twitter.com/zI8jN9okDq
— Navjot Singh Sidhu (@sherryontopp) December 20, 2021
ਭਗਵੰਤ ਮਾਨ ਨੇ ਦਿੱਤਾ ਸਿੱਧੂ ਨੂੰ ਜਵਾਬ
ਕੇਜਰੀਵਾਲ ਤੇ ਸਿੱਧੂ ਵਿਚਕਾਰ ਚੱਲ ਰਹੀ ਇਸ ਬਹਿਸ ਦੀ ਜੰਗ ਵਿੱਚ ਭਗਵੰਤ ਮਾਨ ਵੀ ਕੁੱਦ ਪਏ। ਮਾਨ ਨੇ ਕਿਹਾ, “ਸਿੱਧੂ ਮੇਰੇ ਨਾਲ ਬਹਿਸ ਕਰਨ ਤੋਂ ਕਿਉਂ ਭੱਜ ਰਹੇ ਹਨ?” ਉਹਨਾਂ ਤੰਜ ਭਰੇ ਅੰਦਾਜ਼ ਵਿਚ ਕਿਹਾ, “ਸਿੱਧੂ ਭਾਜੀ, ਤੁਹਾਨੂੰ ਮੇਰੇ ਤੋਂ ਕੀ ਡਰ ਹੈ?” ਉਹਨਾਂ ਸਵਾਲ ਵੀ ਚੁੱਕਿਆ ਹੈ ਕਿ ਸਿੱਧੂ ਸੀਐਮ ਚਰਨਜੀਤ ਚੰਨੀ ਦੇ ਵਿਧਾਨ ਸਭਾ ਹਲਕੇ ਵਿੱਚ ਗੈਰ-ਕਾਨੂੰਨੀ ਰੇਤ ਮਾਇਨਿੰਗ ‘ਤੇ ਚੁੱਪ ਕਿਉਂ ਹਨ। ਉਨ੍ਹਾਂ ਦੀ ਕੀ ਮਜਬੂਰੀ ਹੈ?
Why is Sidhu running away from debate with me?
Sidhu paaji, why are you scared of me?Why is Sidhu not speaking on illegal sand mining in CM Channi's constituency? What are the compulsions due to which he has not said a word on illegal mining in Chamkaur Sahib?Selective outrage? https://t.co/BN4caMQ0rW
— Bhagwant Mann (@BhagwantMann) December 20, 2021
ਸਭ ਤੋਂ ਪਹਿਲਾਂ ਸਿੱਧੂ ਨੇ ਦਿੱਤੀ ਸੀ ਚੁਣੌਤੀ
ਨਵਜੋਤ ਸਿੱਧੂ ਨੇ ਹੀ ਕੇਜਰੀਵਾਲ ਨੂੰ ਖੁੱਲ੍ਹੀ ਬਹਿਸ ਲਈ ਚੈਲੇਂਜ ਕੀਤਾ ਸੀ। ਸਿੱਧੂ ਨੇ ਸ਼ਰਾਬ, ਰੇਤ ਮਾਈਨਿੰਗ ਅਤੇ ਨੌਕਰੀਆਂ ਦੇ ਮੁੱਦੇ ‘ਤੇ ਕੇਜਰੀਵਾਲ ਨਾਲ ਬਹਿਸ ਦੀ ਗੱਲ ਕਹੀ ਸੀ। ਉਨ੍ਹਾਂ ਕਿਹਾ ਸੀ ਕਿ ਦਿੱਲੀ ਵਿੱਚ ਮੁਨਾਫ਼ੇ ਵਾਲੇ ਰੂਟ ਬਾਦਲਾਂ ਦੀਆਂ ਬੱਸਾਂ ਨੂੰ ਕਿਉਂ ਦਵਾਏ ਗਏ। ਕੇਜਰੀਵਾਲ ਨੇ ਸਿਰਫ 440 ਨੌਕਰੀਆਂ ਦਿੱਤੀਆਂ। ਸਿੱਧੂ ਨੇ ਇੱਥੋਂ ਤੱਕ ਕਿਹਾ ਕਿ ਜੇਕਰ ਉਹ ਬਹਿਸ ਵਿੱਚ ਝੂਠੇ ਸਾਬਤ ਹੋਏ ਤਾਂ ਸਿਆਸਤ ਛੱਡ ਦੇਣਗੇ।
