ਚੰਡੀਗੜ੍ਹ। ਪੰਜਾਬ ਦੇ ਸਾਬਕਾ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਕੋਟਕਪੂਰਾ ਗੋਲੀ ਕਾੰਡ ਦੀ ਜਾੰਚ ਕਰ ਰਹੀ SIT ਦੇ ਸਾਹਮਣੇ ਪੇਸ਼ ਨਹੀੰ ਹੋਏ। SIT ਨੇ ਉਹਨਾੰ ਨੂੰ ਸੰਮਨ ਜਾਰੀ ਕਰਕੇ ਗੋਲੀ ਕਾੰਡ ਬਾਰੇ ਪੁੱਛਗਿੱਛ ਲਈ ਤਲਬ ਕੀਤਾ ਸੀ। ਸੁਖਬੀਰ ਨੂੰ ਮੰਗਲਵਾਰ ਸਵੇਰੇ ਸਾਢੇ 10 ਵਜੇ ਪੇਸ਼ ਹੋਣ ਲਈ ਕਿਹਾ ਗਿਆ ਸੀ।
ਸੁਖਬੀਰ ਬਾਦਲ ਚੰਡੀਗੜ੍ਹ ਵਿੱਚ SIT ਸਾਹਮਣੇ ਪੇਸ਼ ਹੋਣ ਦੀ ਬਜਾਏ ਇੱਕ ਮਾਮਲੇ ਦੀ ਸੁਣਵਾਈ ਲਈ ਜੀਰਾ ਕੋਰਟ ਵਿੱਚ ਪੇਸ਼ ਹੋਏ। ਹਾਲਾੰਕਿ ਸੁਖਬੀਰ ਦਾ ਇਹ ਵੀ ਕਹਿਣਾ ਹੈ ਕਿ ਉਹਨਾੰ ਨੂੰ ਕੋਈ ਸੰਮਨ ਮਿਲਿਆ ਹੀ ਨਹੀੰ। ਇਸ ਮਾਮਲੇ ਵਿੱਚ ਹੁਣ ਸੁਖਬੀਰ ਨੂੰ ਪੁੱਛਗਿੱਛ ਲਈ ਮੁੜ 14 ਸਤੰਬਰ ਨੂੰ ਤਲਬ ਕੀਤਾ ਗਿਆ ਹੈ।
ਦਰਅਸਲ, ਸਾਲ 2015 ਵਿੱਚ ਕੋਟਕਪੂਰਾ ਵਿੱਚ ਬੇਅਦਬੀ ਦੇ ਖਿਲਾਫ਼ ਪ੍ਰਦਰਸ਼ਨ ਕਰਨ ਵਾਲੇ ਲੋਕਾੰ ‘ਤੇ ਪੁਲਿਸ ਵੱਲੋੰ ਫਾਇਰਿੰਗ ਕੀਤੀ ਗਈ ਸੀ। ਫਾਇਰਿੰਗ ਦੇ ਵਕਤ ਸੁਖਬੀਰ ਬਾਦਲ ਸੂਬੇ ਦੇ ਉਪ ਮੁੱਖ ਮੰਤਰੀ ਸਨ ਅਤੇ ਗ੍ਰਹਿ ਵਿਭਾਗ ਦਾ ਜ਼ਿੰਮਾ ਵੀ ਉਹਨਾੰ ਕੋਲ ਹੀ ਸੀ। ਇਹ ਸਵਾਲ ਅੱਜ ਵੀ ਬਣਿਆ ਹੋਇਆ ਹੈ ਕਿ ਪੁਲਿਸ ਨੂੰ ਫਾਇਰਿੰਗ ਦੇ ਆਰਡਰ ਕਿਸਨੇ ਦਿੱਤੇ। ਇਸੇ ਦੇ ਚਲਦੇ ਸੁਖਬੀਰ ਨੂੰ ਪੁੱਛਗਿੱਛ ਲਈ ਸੱਦਿਆ ਗਿਆ ਹੈ।
SDM ਨੇ ਦਿੱਤੇ ਸਨ ਫਾਇਰਿੰਗ ਦੇ ਆਰਡਰ- ਸੁਖਬੀਰ
ਓਧਰ ਸੁਖਬੀਰ ਬਾਦਲ ਦਾ ਕਹਿਣਾ ਹੈ ਕਿ ਕੋਟਕਪੂਰਾ ‘ਚ ਫਾਇਰਿੰਗ ਦੇ ਆਰਡਰ SDM ਨੇ ਦਿੱਤੇ ਸਨ। SDM ਅਜੇ ਵੀ ਕਹਿ ਰਹੇ ਹਨ ਕਿ ਉਹਨਾੰ ਨੇ ਬਿਨ੍ਹਾੰ ਦਬਾਅ ਦੇ ਆਰਡਰ ਦਿੱਤੇ। ਇਸਦੇ ਲਿਖਿਤ ਆਰਡਰ ਜਾਰੀ ਹੋਏ ਸਨ।
ਅਕਾਲੀ ਦਲ ਦਾ ਦਾਅਵਾ, “ਕੋਈ ਸੰਮਨ ਨਹੀੰ ਆਇਆ”
ਇਸ ਸਭ ਦੇ ਵਿਚਾਲੇ ਸ਼੍ਰੋਮਣੀ ਅਕਾਲੀ ਦਲ, ਖਾਸਕਰ ਸੁਖਬੀਰ ਬਾਦਲ ਇਹ ਲਗਾਤਾਰ ਕਹਿ ਰਹੇ ਹਨ ਕਿ ਉਹਨਾੰ ਨੂੰ ਕੋਈ ਵੀ ਸੰਮਨ ਨਹੀੰ ਮਿਲਿਆ ਹੈ। ਨਾਲ ਹੀ ਸੁਖਬੀਰ ਬਾਦਲ ਕਹਿੰਦੇ ਹਨ ਕਿ ਉਹਨਾੰ ਨੂੰ ਕੋਈ ਡਰ ਨਹੀੰ ਹੈ। ਜਦੋੰ ਸੰਮਨ ਆਉਣਗੇ, ਉਦੋੰ ਵੇਖਿਆ ਜਾਵੇਗਾ।
2 ਵਾਰ ਕੂਰੀਅਰ ਰਾਹੀੰ ਸੰਮਨ ਭੇਜਿਆ- SIT
ਅਕਾਲੀ ਦਲ ਦੇ ਦਾਅਵਿਆੰ ਤੋੰ ਉਲਟ ਸਪੈਸ਼ਲ ਜਾੰਚ ਟੀਮ ਦਾ ਕਹਿਣਾ ਹੈ ਕਿ ਸੁਖਬੀਰ ਬਾਦਲ ਨੂੰ ਸੰਮਨ ਦੇਣ ਲਈ ਪੁਲਿਸ ਅਫਸਰ 2 ਵਾਰ ਕੂਰੀਅਰ ਰਾਹੀੰ ਸੰਮਨ ਲੈ ਕੇ ਪਹੁੰਚੇ ਸਨ, ਪਰ ਉਹਨਾੰ ਨੂੰ ਇਹ ਕਹਿ ਕੇ ਮੋੜ ਦਿੱਤਾ ਗਿਆ ਕਿ ਸੁਖਬੀਰ ਵਿਦੇਸ਼ ਵਿੱਚ ਹਨ ਅਤੇ ਕਿਸੇ ਨੇ ਵੀ ਸੰਮਨ ਰਿਸੀਵ ਨਹੀੰ ਕੀਤਾ। ਇਸ ਤੋੰ ਬਾਅਦ SIT ਨੇ ਸੁਖਬੀਰ ਬਾਦਲ ਦੇ ਨਾਲ ਰਹਿਣ ਵਾਲੇ ਵਿਨੀਤਪਾਲ ਹੈਪੀ ਨੂੰ ਵੀ ਵਟਸਐਪ ‘ਤੇ ਸੰਮਨ ਭੇਜਿਆ, ਜਿਹਨਾੰ ਨੇ ਸੰਮਨ ਮਿਲਣ ਦੀ ਗੱਲ ਵੀ ਕਬੂਲੀ ਹੈ।
