Chandigarh, September 2, 2022
14 ਮਾਰਚ 2022 ਨੂੰ ਜਲੰਧਰ ਦੇ ਨੇੜੇ ਪਿੰਡ ਮੱਲੀਆਂ ਖੁਰਦ ‘ਚ ਹੋਏ ਕਬੱਡੀ ਖਿਡਾਰੀ ਸੰਦੀਪ ਨੰਗਲ ਅੰਬੀਆਂ ਕਤਲ ਕੇਸ ‘ਚ ਨਾਰਥ ਇੰਡੀਆ ਕਬੱਡੀ ਫੈਡਰੇਸ਼ਨ ਦੇ ਪ੍ਰਧਾਨ ਸੁਰਜਨ ਚੱਠਾ, ਨੈਸ਼ਨਲ ਕੱਬਡੀ ਫੈਡਰੇਸ਼ਨ ਆਫ Ontario ਦੇ ਪ੍ਰਧਾਨ ਸੁਖਾ ਮਾਨ ਅਤੇ ਰਾਇਲ ਕਿੰਗਸ club USA ਮਾਲਿਕ ਸ਼ੱਬਾ ਥਿਆੜਾ ਨੂੰ ਬਤੌਰ ਦੋਸ਼ੀ ਨਾਮਜ਼ਦ ਕੀਤਾ ਗਿਆ ਹੈ ਅਤੇ FIR ਚ ਨਾਂਅ ਸ਼ਾਮਿਲ ਕਰ ਲਏ ਗਏ ਨੇ।
ਇਹ ਖੁਲਾਸਾ ਪੱਤਰਕਾਰ ਰਿਤੇਸ਼ ਲੱਖੀ ਦੀ ਰਿਪੋਰਟ ਦੌਰਾਨ ਹੋਇਆ ਹੈ, ਜਿਹਨਾਂ ਨੇ ਨੰਗਲ ਅੰਬੀਆਂ ਕਤਲ ਕੇਸ ਦੌਰਾਨ ਅਦਾਲਤ ‘ਚ ਪੁਲਿਸ ਅਫਸਰ ਥਾਣਾ ਨਕੋਦਰ ਦੇ ਬਿਆਨ ਬਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਹੈ ਕਿ ਸੁਰਜਨ ਚੱਠਾ, ਸ਼ੱਬਾ ਥਿਆੜਾ ਅਤੇ ਸੁੱਖਾ ਮਾਨ ਨੂੰ ਕੁਝ ਮਹੀਨੇ ਪਹਿਲਾਂ ਹੀ ਪੁਲਿਸ ਨੇ ਕੇਸ ‘ਚ ਨਾਮਜ਼ਦ ਕੀਤਾ ਹੋ ਸਕਦਾ ਹੈ। ਹਾਲਾੰਕਿ ਇਸ ਬਾਰੇ ਕੋਈ ਵੀ ਜਾਣਕਾਰੀ ਜਨਤੱਕ ਨਹੀਂ ਕੀਤੀ ਗਈ। ਤਿੰਨਾਂ ਨੂੰ ਕੇਸ ‘ਚ ਨਾਮਜ਼ਦ ਕਰਨ ਦਾ ਆਧਾਰ ਪੀੜਿਤ ਪਰਿਵਾਰ ਅਤੇ ਮੇਜਰ ਲੀਗ ਕੱਬਡੀ ਦੇ ਇਕ ਅਹੁਦੇਦਾਰ ਦੇ ਸਪਲੀਮੈਂਟਰੀ ਬਿਆਨ ਹਨ, ਜਿਹਨਾਂ ਵਿੱਚ ਇਹਨਾਂ ਤਿੰਨਾਂ ਦੀ ਸੰਦੀਪ ਨੰਗਲ ਅੰਬੀਆ ਅਤੇ ਉਸਦੀ ਲੀਗ ਦੇ ਨਾਲ ਰੰਜਿਸ਼ ਨੂੰ ਹੱਤਿਆ ਦਾ ਕਾਰਨ ਅਤੇ ਮਕਸਦ ਦੱਸਿਆ ਗਿਆ ਹੈ।
Saba Thiara
Sukha Mann
ਜ਼ਿਕਰਯੋਗ ਹੈ ਕਿ ਸੰਦੀਪ ਨੰਗਲ ਅੰਬੀਆਂ ਕੇਸ ‘ਚ ਦਿੱਲੀ ਪੁਲਿਸ ਦੇ ਸੈੱਲ ਨੇ 23 ਅਪ੍ਰੈਲ ਨੂੰ ਮੁੱਖ ਸ਼ੂਟਰ ਵਿਕਾਸ ਮਾਹਲੇ ਨੂੰ ਗਿਰਫ਼ਤਾਰ ਕੀਤਾ ਸੀ। ਕਤਲ ਉਪਰੰਤ ਫਤਹਿ ਨਾਗਰੀ ਸਮੇਤ 4 ਹੋਰਨਾਂ ਨੂੰ ਪ੍ਰੋਡਕਸ਼ਨ ਰਿਮਾਂਡ ਉੱਤੇ ਲਿਆ ਅਤੇ ਕੇਸ ਚ ਨਾਮਜ਼ਦ ਕੀਤਾ ਗਿਆ ਸੀ। ਹੱਤਿਆ ਚ ਗੈਂਗਸਟਰ ਕੌਸ਼ਲ ਚੌਧਰੀ ਅਤੇ ਅਮਿਤ ਡਾਗਰ ਵੀ ਮੁੱਖ ਸਾਜਿਸ਼ਕਰਤਾ ਹਨ। ਪੰਜਾਬ module ਦੇ ਦੋ ਸ਼ੂਟਰ ਹੈਰੀ ਰਾਜਪੁਰਾ ਅਤੇ ਹੈਰੀ ਮੌੜ ਬਠਿੰਡਾ ਅਜੇ ਵੀ ਭਗੌੜੇ ਨੇ। ਪੁਨੀਤ ਜਲੰਧਰ ਨਾਂਅ ਦਾ ਇਕ ਹੋਰ ਸਾਜਿਸ਼ ਕਰਤਾ ਵੀ ਭਗੌੜਾ ਹੈ।
ਨੈਸ਼ਨਲ ਕਬੱਡੀ ਫੈਡਰੇਸ਼ਨ ਆਫ Ontario ਦੇ ਮੀਡਿਆ ਸਲਾਹਕਾਰ ਮੰਨੇ ਜਾਨ ਵਾਲੇ ਸਨੋਬਰ ਢਿੱਲੋਂ ਅਤੇ ਗੈਂਗਸਟਰ ਸੁੱਖਾ ਦੁਣੇ ਕੇ ਵੀ ਇਸ ਕੇਸ ਦੇ ਮੁੱਖ ਸਾਜਿਸ਼ ਘਾੜੇ ਮੰਨੇ ਗਏ ਨੇ। ਸੁਰਜਨ ਚੱਠਾ, ਸੁੱਖਾ ਮਾਨ ਅਤੇ ਸ਼ੱਬਾ ਥਿਆੜਾ ਦੇ ਕੇਸ ਚ ਨਾਮਜ਼ਦ ਹੋਣ ਤੋਂ ਬਾਅਦ ਸਮੂਹ ਕੱਬਡੀ ਜਗਤ ਚ ਭਾਰੀ ਹਲਚਲ ਪੈਦਾ ਹੋਣ ਦੇ ਅਸਾਰ ਨੇ।
ਜ਼ਿਕਯੋਗ ਹੈ ਕਿ ਕੁੱਝ ਹੀ ਦਿਨ ਪਹਿਲਾਂ YouTube channel “Ritesh Lakhi Unplugged” ਉੱਤੇ ਇਕ interview ਦੌਰਾਨ ਸੰਦੀਪ ਨੰਗਲ ਅੰਬੀਆਂ ਦੀ ਪਤਨੀ ਨੇ ਇਹਨਾਂ ਤਿੰਨਾਂ ਅਹੁਦੇਦਾਰਾਂ ਦੀ ਕਤਲ ਕੇਸ ‘ਚ ਭੂਮਿਕਾ ਉੱਤੇ ਸਵਾਲ ਚੁੱਕੇ ਸਨ ਅਤੇ ਪਰਿਵਾਰ ਨੂੰ ਅਜੇ ਤੱਕ ਇਸ ਕੇਸ ਚ ਹੋਈ ਇਸ ਅਹਿਮ ਕਾਰਵਾਈ ਬਾਰੇ ਕਿਸੇ ਨੇ ਵੀ ਨਹੀਂ ਦੱਸਿਆ।
