September 10, 2022
(Chandigarh)
ਪੰਜਾਬ ਵਿਜੀਲੈੰਸ ਬਿਓਰੋ ਨੇ ਰੋਡਵੇਜ਼ ਦੇ 2 ਰਿਟਾਇਰਡ ਇੰਸਪੈਕਟਰਾੰ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਦੋਵਾੰ ‘ਤੇ ਆਪਣੀ ਨੌਕਰੀ ਦੌਰਾਨ ਸਰਕਾਰੀ ਬੱਸਾੰ ਦੇ ਟਾਈਮ ਟੇਬਲ ਨੂੰ ਪ੍ਰਾਈਵੇਟ ਬੱਸਾੰ ਨੂੰ ਦੇਣ ਦਾ ਇਲਜ਼ਾਮ ਹੈ, ਜਿਸਦੇ ਬਦਲੇ ਹਫਤਾਵਾਰ ਅਤੇ ਮਹੀਨਾਵਾਰ ਮੋਟਾ ਪੈਸਾ ਰਿਸ਼ਵਤ ਦੇ ਤੌਰ ‘ਤੇ ਵਸੂਲਦੇ ਸਨ। ਦੋਵੇੰ ਹੀ ਮੁਲਜ਼ਮ ਕਰੀਬ 2 ਸਾਲ ਪਹਿਲਾੰ ਰਿਟਾਇਰਡ ਹੋਏ ਸਨ ਅਤੇ ਲੰਮੇ ਸਮੇੰ ਤੋੰ ਫਰਾਰ ਚੱਲ ਰਹੇ ਸਨ।
ਫੜੇ ਗਏ ਮੁਲਜ਼ਮਾੰ ਵਿੱਚ ਪਠਾਨਕੋਟ ‘ਚ ਰਹਿਣ ਵਾਲੇ ਰੋਡਵੇਜ਼ ਦੇ ਸਾਬਕਾ ਇੰਸਪੈਕਟਰ ਰਾਜ ਕੁਮਾਰ ਰਾਜੂ ਅਤੇ ਹੁਸ਼ਿਆਰਪੁਰ ਦੇ ਰਹਿਣ ਵਾਲੇ ਤਰਸੇਮ ਸਿੰਘ ਸ਼ਾਮਲ ਹਨ। ਰਾਜ ਕੁਮਾਰ ਰਾਜੂ ਅੰਮ੍ਰਿਤਸਰ ਅਤੇ ਤਰਸੇਮ ਸਿੰਘ ਜਲੰਧਰ ਵਿੱਚ ਤੈਨਾਤ ਸਨ।
ਡੇਢ ਸਾਲ ਪੁਰਾਣੇ ਕੇਸ ‘ਚ ਗ੍ਰਿਫ਼ਤਾਰੀ
ਵਿਜੀਲੈਂਸ ਨੇ ਦੱਸਿਆ ਕਿ ਪੰਜਾਬ ਰੋਡਵੇਜ਼ ਦੇ ਕੁੱਝ ਮੁਲਾਜ਼ਮਾਂ ਵੱਲੋਂ ਸਰਕਾਰੀ ਬੱਸਾਂ ਦੇ ਬੱਸ ਅੱਡੇ ਵਿੱਚੋਂ ਚੱਲਣ ਦਾ ਟਾਇਮ ਪ੍ਰਾਈਵੇਟ ਬੱਸਾਂ ਨੂੰ ਵੇਚ ਕੇ ਰੋਜ਼ਾਨਾ/ਮਹੀਨਾਵਾਰ ਰਿਸ਼ਵਤ ਇਕੱਠੀ ਕਰਨ ਦੇ ਦੋਸ਼ ਲੱਗੇ ਸਨ ਤੇ ਇਸ ਸਬੰਧੀ ਬਿਊਰੋ ਵੱਲੋਂ 30-04-2021 ਨੂੰ ਭ੍ਰਿਸ਼ਟਾਚਾਰ ਰੋਕੂ ਕਾਨੂੰਨ ਦੀ ਤਹਿਤ ਅੰਮ੍ਰਿਤਸਰ ਵਿਖੇ ਮੁਕੱਦਮਾ ਦਰਜ ਕੀਤਾ ਗਿਆ ਸੀ। ਇਸੇ ਕੇਸ ‘ਚ ਇਹਨਾੰ ਦੋਵੇੰ ਰਿਟਾਇਰਡ ਇੰਸਪੈਕਟਰਾੰ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
