ਬਿਓਰੋ। ਪੰਜਾਬ ਦੇ ਸਰਹੱਦੀ ਜਿਲ੍ਹੇ ਗੁਰਦਾਸਪੁਰ ਵਿੱਚ ਇੱਕ ਹੋਰ ਨਾਪਾਕ ਸਾਜਿਸ਼ ਨਾਕਾਮ ਹੋਈ ਹੈ। ਜਿਲ੍ਹੇ ਦੇ ਪਿੰਡ ਸਲੇਮਪੁਰ ਅਰਈਆਂ ਤੋਂ ਪੁਲਿਸ ਨੇ ਇੱਕ ਟਿਫਨ ਬੰਬ ਅਤੇ 4 ਹੈਂਡ ਗ੍ਰਨੇਡ ਬਰਾਮਦ ਕੀਤੇ ਹਨ। DGP ਇਕਬਾਲਪ੍ਰੀਤ ਸਿੰਘ ਸਹੋਤਾ ਦੇ ਮੁਤਾਬਕ, ਪੁਲਿਸ ਨੂੰ ਪਿੰਡ ਸਲੇਮਪੁਰ ਅਰਈਆਂ ਦੇ ਨੇੜੇ ਚੈਕਿੰਗ ਦੌਰਾਨ ਉਸ ਵਿੱਚੋਂ 4 ਹੈਂਡ ਗ੍ਰਨੇਡ ਅਤੇ ਇੱਕ ਟਿਫਨ ਬੰਬ ਬਰਾਮਦ ਹੋਇਆ।
Two Pakistan-ISI-backed terror modules busted: Punjab Police recovers tiffin bomb, 4 hand grenades from Gurdaspur’s village, this is third such recovery in 3 days consecutively; RDX, 2 grenades were recovered earlier from border region. #PunjabFightsTerror #SafetyFirst pic.twitter.com/oPPKtu40Am
— Punjab Police India (@PunjabPoliceInd) December 3, 2021
ਜਾਣਕਾਰੀ ਮੁਤਾਬਕ, ਫੋਮ ਦੇ ਸੌਫਟ ਪੈਕੇਟ ਬਣਾ ਕੇ ਟਿਫਨ ਬੰਬ ਅਤੇ 4 ਹੈਂਡ ਗ੍ਰਨੇਡ ਨੂੰ ਬੋਰੀ ਵਿੱਚ ਭਰ ਕੇ ਰੱਖਿਆ ਗਿਆ ਸੀ। ਪੁਲਿਸ ਹੁਣ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਕਿ ਇਸ ਖੇਪ ਨੂੰ ਪਿੰਡ ਦੇ ਖੇਤਾਂ ਨੇੜੇ ਝਾੜੀਆਂ ਵਿੱਚ ਕੌਣ ਛੱਡ ਕੇ ਗਿਆ ਹੈ। ਜਿਕਰਯੋਗ ਹੈ ਕਿ 2 ਦਿਨ ਪਹਿਲਾਂ ਹੀ ਗੁਰਦਾਸਪੁਰ ਪੁਲਿਸ ਨੇ ਇੱਕ ਤਸਕਰ ਦੀ ਨਿਸ਼ਾਨਦੇਹੀ ‘ਤੇ ਦੀਨਾਨਗਰ ਤੋਂ ਇੱਕ ਕਿੱਲੋ RDX ਬਰਾਮਦ ਕੀਤਾ ਸੀ।
ਟਿਫਨ ਬੰਬ ਪਹਿਲਾਂ ਨਾਲੋਂ ਵੱਖ
ਜਿਸ ਟਿਫਨ ਬੰਬ ਨੂੰ ਬਰਾਮਦ ਕੀਤਾ ਗਿਆ ਹੈ, ਉਹ ਅਗਸਤ ਮਹੀਨੇ ਵਿੱਚ ਜ਼ਬਤ ਕੀਤੇ ਗਏ ਟਿਫਨ ਬੰਬ ਤੋਂ ਥੋੜ੍ਹਾ ਵੱਖ ਹੈ। ਮੈਕੇਨਿਜ਼ਮ ਪਹਿਲਾਂ ਵਰਗਾ ਹੀ ਹੈ, ਪਰ ਟਿਫਨ ਵੱਖਰਾ ਹੈ। ਇਸਦੇ ਨਾਲ ਹੀ ਪੁਲਿਸ ਨੇ ਜਿਹੜੇ 4 ਹੈਂਡ ਗ੍ਰਨੇਡ ਜ਼ਬਤ ਕੀਤੇ ਹਨ, ਉਸ ਠੀਕ ਵੈਸੇ ਹੀ ਹਨ, ਜਿਹਨਾਂ ਦੇ ਜ਼ਰੀਏ ਪਠਾਨਕੋਟ ਵਿੱਚ ਦਹਿਸ਼ਤਗਰਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਗਿਆ ਸੀ।
