ਚੰਡੀਗੜ੍ਹ। ਪੰਜਾਬ ‘ਚ ਸ਼੍ਰੋਮਣੀ ਅਕਾਲੀ ਦਲ ਅਤੇ ਆਮ ਆਦਮੀ ਪਾਰਟੀ ਵਿਚਕਾਰ ਸਿਆਸੀ ਜੰਗ ਛਿੜ ਗਈ ਹੈ। ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਬੀਤੇ ਦਿਨ ‘ਆਪ’ ਸਰਕਾਰ ‘ਤੇ 500 ਕਰੋੜ ਦੇ ਘੁਟਾਲੇ ਦਾ ਇਲਜ਼ਾਮ ਲਾਇਆ ਸੀ, ਜਿਸ ਤੋੰ ਬਾਅਦ ਸ਼ੁੱਕਰਵਾਰ ਨੂੰ ‘ਆਪ’ ਸਰਕਾਰ ‘ਚ ਮੰਤਰੀ ਕੁਲਦੀਪ ਧਾਲੀਵਾਲ ਮੀਡੀਆ ਦੇ ਸਾਹਮਣੇ ਆਏ ਅਤੇ ਬੇਅਦਬੀ-ਗੋਲੀ ਕਾੰਡ ‘ਤੇ ਸੁਖਬੀਰ ਬਾਦਲ ਨੂੰ ਘੇਰ ਲਿਆ।
ਪ੍ਰੈੱਸ ਕਾਨਫ਼ਰੰਸ ਨੂੰ ਸੰਬੋਧਿਤ ਕਰਦੇ ਹੋਅ ਪੇੰਡੂ ਵਿਕਾਸ ਤੇ ਪੰਚਾਇਤ ਮੰਤਰੀ ਕੁਲਦੀਪ ਧਾਲੀਵਾਲ ਨੇ ਕਿਹਾ, “2015 ਵਿੱਚ ਵਾਪਰੀ ਬੇਅਦਬੀ ਦੀ ਘਟਨਾ ਅਤੇ ਗੋਲੀ ਕਾੰਡ ਵੇਲੇ ਪ੍ਰਕਾਸ਼ ਸਿੰਘ ਬਾਦਲ ਸੂਬੇ ਦੇ CM ਅਤੇ ਸੁਖਬੀਰ ਸਿੰਘ ਬਾਦਲ ਗ੍ਰਹਿ ਮੰਤਰੀ ਸਨ। ਬੇਹੱਦ ਦੁੱਖ ਦੀ ਗੱਲ ਹੈ ਕਿ ਜਿ ਪਾਰਟੀ ਨੇ ਪੂਰੇ ਇਤਿਹਾਸ ‘ਚ ਪੰਥ ਅਤੇ ਸਿੱਖ ਧਰਮ ਦੇ ਨਾੰਅ ‘ਤੇ ਵੋਟਾੰ ਲਈਆੰ ਹੋਣ, ਜਿਸਦੀ ਪੂਰੀ ਰਿਆਸਤ SGPC ਨਾਲ ਚਲਦੀ ਹੋਵੇ, ਉਹਨਾੰ ਦੇ ਹੁੰਦੇ ਹੋਏ ਬੇਅਦਬੀ ਹੋਈ। ਉਹਨਾੰ ਦੀ ਢਾਈ ਸਾਲ ਦੀ ਸਰਕਾਰ ਬਾਕੀ ਸੀ, ਫਿਰ ਵੀ ਕਾਰਵਾਈ ਨਹੀੰ ਕੀਤੀ। ਉਸ ਵਕਤ ਬੇਅਦਬੀ ਕਰਨ ਅਤੇ ਗੋਲੀ ਚਲਾਉਣ ਤੇ ਚਲਵਾਉਣ ਵਾਲੇ ਫੜੇ ਜਾ ਸਕਦੇ ਸਨ।”
‘ਸੰਮਨ ਸਿਰਫ਼ ਸ਼ੁਰੂਆਤ, ਸਾਰਿਆੰ ਨੂੰ ਸਜ਼ਾ ਹੋਵੇਗੀ’
ਧਾਲੀਵਾਲ ਨੇ ਕਿਹਾ, “ਸੁਖਬੀਰ ਬਾਦਲ ਦੇ ਖਿਲਾਫ਼ ਸੰਮਨ ਸਿਰਫ਼ ਸ਼ੁਰੂਆਤ ਹੈ। ਬੇਅਦਬੀ ਅਤੇ ਗੋਲੀ ਕਾੰਡ ਦੇ ਦੋਸ਼ੀਆੰ ਨੂੰ ਸਜ਼ਾ ਦੁਆਵਾੰਗੇ।” ਉਹਨਾੰ ਪੁੱਛਿਆ ਕਿ ਬੇਅਦਬੀ ਤੋੰ ਬਾਅਦ ਸੀਐੱਮ ਪ੍ਰਕਾਸ਼ ਸਿੰਘ ਬਾਦਲ ਉਥੇ ਕਿਉੰ ਨਹੀੰ ਗਏ। ਉਹਨਾੰ ਸਪੱਸ਼ਟ ਸ਼ਬਦਾੰ ‘ਚ ਕਿਹਾ, “ਬੇਅਦਬੀ ਤੇ ਗੋਲੀ ਕਾੰਡ ਲਈ ਉਸ ਵਕਤ ਦੀ ਸਰਕਾਰ, ਗ੍ਰਹਿ ਮੰਤਰੀ ਤੇ ਗੋਲੀ ਚਲਾਉਣ ਵਾਲੇ ਅਫਸਰ ਦੋਸ਼ੀ ਹਨ। ਸੀਐੱਮ ਭਗਵੰਤ ਮਾਨ ਦੀ ਸਰਕਾਰ ਬੇਅਦਬੀ ਕਰਨ ਵਾਲਿਆੰ ਨੂੰ ਕਦੇ ਨਹੀੰ ਬਖਸ਼ੇਗੀ। ਬਹਿਬਲ ਕਲਾੰ ਤੇ ਕੋਟਕਪੂਰਾ ਗੋਲੀ ਕਾੰਡ ‘ਚ ਗੋਲੀਆੰ ਚਲਾਉਣ ਵਾਲਿਆੰ ਨੂੰ ਵੀ ਸਜ਼ਾ ਮਿਲੇਗੀ।”
ਸੁਖਬੀਰ ਬਾਦਲ ਨੂੰ SIT ਨੇ ਕੀਤਾ ਹੈ ਤਲਬ
ਦੱਸ ਦਈਏ ਕਿ ਸੁਖਬੀਰ ਸਿੰਘ ਬਾਦਲ ਨੂੰ ਕੋਟਕਪੂਰਾ ਗੋਲੀ ਕਾੰਡ ਦੀ ਜਾੰਚ ਕਰ ਰਹੀ ਸਪੈਸ਼ਲ ਜਾੰਚ ਟੀਮ ਵੱਲੋੰ ਤਲਬ ਕੀਤਾ ਗਿਆ ਹੈ। ਉਹਨਾੰ ਨੂੰ 30 ਅਗਸਤ ਦੀ ਸਵੇਰੇ ਸਾਢੇ 10 ਵਜੇ ਪੁੱਛਗਿੱਛ ਲਈ ਬੁਲਾਇਆ ਗਿਆ ਹੈ। ਹਾਲਾੰਕਿ ਸੁਖਬੀਰ ਦਾ ਕਹਿਣਾ ਹੈ ਕਿ ਉਹਨਾੰ ਨੂੰ ਅਜੇ ਸੰਮਨ ਨਹੀੰ ਮਿਲਿਆ, ਪਰ ਉਹ ਡਰਦੇ ਨਹੀੰ।
ਸੁਖਬੀਰ ਨੇ ‘ਆਪ’ ‘ਤੇ ਲਗਾਇਆ ਸ਼ਰਾਬ ਘੁਟਾਲੇ ਦਾ ਇਲਜ਼ਾਮ
ਕਾਬਿਲੇਗੌਰ ਹੈ ਕਿ ਸੰਮਨ ਜਾਰੀ ਹੋਣ ਤੋੰ ਕੁਝ ਹੀ ਦੇਰ ਬਾਅਦ ਸੁਖਬੀਰ ਬਾਦਲ ਮੀਡੀਆ ਸਾਹਮਣੇ ਆਏ ਸਨ ਅਤੇ ਉਹਨਾੰ ਨੇ ਪੰਜਾਬ ਦੀ ‘ਆਪ’ ਸਰਕਾਰ ‘ਤੇ ਦਿੱਲੀ ਦੀ ਤਰਜ ‘ਤੇ ਸ਼ਰਾਬ ਘੁਟਾਲੇ ਦਾ ਇਲਜ਼ਾਮ ਲਗਾਇਆ। ਸੁਖਬੀਰ ਦਾ ਇਲਜ਼ਾਮ ਹੈ ਕਿ ਇਹ ਘੁਟਾਲਾ 500 ਕਰੋੜ ਦਾ ਹੈ, ਜਿਸਦੀ ਉਹਨਾੰ ਨੇ CBI ਅਤੇ ED ਤੋੰ ਜਾੰਚ ਦੀ ਮੰਗ ਕੀਤੀ ਹੈ।
