ਨਵੀਂ ਦਿੱਲੀ। ਪੰਜਾਬ ਅਤੇ ਦਿੱਲੀ ਦੇ ਐਜੁਕੇਸ਼ਨ ਸਿਸਟਮ ਨੂੰ ਲੈ ਕੇ ਆਹਮੋ-ਸਾਹਮਣੇ ਆਈਆਂ ਦੋਵੇਂ ਸਰਕਾਰਾਂ ਵਿਚਕਾਰ ਜਾਰੀ ਸਿਆਸਤ ਨੇ ਹੁਣ ਦਿੱਲੀ ਦਾ ਰੁਖ ਕਰ ਲਿਆ ਹੈ। ਐਜੁਕੇਸ਼ਨ ਸਿਸਟਮ ‘ਤੇ ਚੱਲੀ ਬਹਿਸ ਵਿਚਾਲੇ ਆਪਣੇ ਦੋਸਤ ਅਤੇ ਸੂਬੇ ਦੇ ਸਿੱਖਿਆ ਮੰਤਰੀ ਪਰਗਟ ਸਿੰਘ ਦਾ ਬਚਾਅ ਕਰਨ ਲਈ ਹੁਣ ਸਿੱਧੂ ਦਿੱਲੀ ਪਹੁੰਚ ਗਏ ਹਨ। ਉਹਨਾਂ ਨੇ ਸੋਮਵਾਰ ਨੂੰ ਦਿੱਲੀ ਵਿੱਚ ਕੇਜਰੀਵਾਲ ਦਾ ਘਰ ਘੇਰ ਲਿਆ। ਸਿੱਧੂ ਇਥੇ ਗੈਸਟ ਟੀਚਰਾਂ ਦੇ ਧਰਨੇ ਵਿੱਚ ਸ਼ਾਮਲ ਹੋਣ ਲਈ ਪਹੁੰਚੇ ਸਨ।
An ounce of performance is worth a pound of preachment, practice what you preach @ArvindKejriwal Ji … Delhi School Teachers say they are treated as bonded labour & daily wagers, paid per day, no payment for holidays or weekends, No guarantee of contract, removed without notice ! pic.twitter.com/W4NieQbaMF
— Navjot Singh Sidhu (@sherryontopp) December 5, 2021
ਦਿੱਲੀ ਵਿੱਚ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦੇ ਘਰ ਦੇ ਬਾਹਰ ਹਜਾਰਾਂ ਟੀਚਰਾਂ ਨਾਲ ਜੋਰਦਾਰ ਧਰਨਾ ਦੇਣ ਮੌਕੇ ਸਿੱਧੂ ਨੇ ਕੇਜਰੀਵਾਲ ਖਿਲਾਫ਼ ਜੰਮ ਕੇ ਨਾਅਰੇਬਾਜੀ ਕੀਤੀ ਅਤੇ ਫਿਲਮੀ ਨਗਮੇ ਸੁਣਾ-ਸੁਣਾ ਕੇ ਕੇਜਰੀਵਾਲ ‘ਤੇ ਤੰਜ ਕਸੇ। ਸਿੱਧੂ ਨੇ ਕਿਹਾ, “ਉੱਚੀ ਦੁਕਾਨ, ਫਿੱਕਾ ਪਕਵਾਨ,,,ਅਰਵਿੰਦ ਕੇਜਰੀਵਾਲ ਕਿਥੇ ਹਨ?”
ਸਿੱਧੂ ਨੇ ਟਵੀਟ ‘ਤੇ ਟਵੀਟ ਕਰਕੇ ਦਿੱਲੀ ਦੀ ਕੇਜਰੀਵਾਲ ਸਰਕਾਰ ‘ਤੇ ਹਮਲਾ ਬੋਲਿਆ। ਉਹਨਾਂ ਕਿਹਾ, “ਦਿੱਲੀ ‘ਚ 1031 ਸਕੂਲ ਹਨ ਅਤੇ ਇਹਨਾਂ ਵਿੱਚੋਂ ਮਹਿਜ਼ 196 ‘ਚ ਮੁੱਖ ਅਧਿਆਪਕ ਹਨ। ਜਦਕਿ ਬਾਕੀ ਦੇ ਸਕੂਲ ਬਿਨ੍ਹਾਂ ਸਕੂਲ ਮੁਖੀਆਂ ਦੇ ਚੱਲ ਰਹੇ ਹਨ।” ਸਿੱਧੂ ਨੇ ਦਿੱਲੀ ਦੇ ਸਿੱਖਿਆ ਮਾਡਲ ਨੂੰ ਠੇਕੇਦਾਰੀ ਮਾਡਲ ਕਰਾਰ ਦਿੰਦੇ ਹੋਏ ਕਿਹਾ ਕਿ ਦਿੱਲੀ ਵਿੱਚ 45% ਟੀਚਰਾਂ ਦੇ ਅਹੁਦੇ ਖਾਲੀ ਪਏ ਹਨ 22,000 ਗੈਸਟ ਟੀਚਰ ਸਕੂਲਾਂ ਵਿੱਚ ਬੱਚਿਆਂ ਨੂੰ ਪੜ੍ਹਾ ਰਹੇ ਹਨ, ਜਿਹਨਾਂ ਨੂੰ ਹਰ 15 ਦਿਨਾਂ ਬਾਅਦ ਆਪਣਾ ਕਾਨਟ੍ਰੈਕਟ ਰਿਨਿਊ ਕਰਵਾਉਣਾ ਪੈਂਦਾ ਹੈ।“ ਉਹਨਾਂ ਕਿਹਾ ਕਿ ਦਿੱਲੀ ਦੀ ਸਿੱਖਿਆ ਵਿਵਸਥਾ ਨੂੰ ਆਦਰਸ਼ ਦੱਸ ਕੇ ਲੋਕਾਂ ਨੂੰ ਗੁੰਮਰਾਹ ਕਰਨ ਵਾਲਿਆਂ ਦਾ ਸਾਰਾ ਸਿੱਖਿਆ ਢਾਂਚਾ ਠੇਕੇ ‘ਤੇ ਚੱਲ ਰਿਹਾ ਹੈ।
Joined Delhi Guest Teachers Protest outside Chief Minister Arvind Kejriwal Ji's residence in Delhi https://t.co/P7IH0fkBKL
— Navjot Singh Sidhu (@sherryontopp) December 5, 2021
ਸਿੱਧੂ ਨੇ ਕਿਹਾ ਕਿ ਕੇਜਰੀਵਾਲ ਦੇ ਰਾਜ ਵਿੱਚ ਦਿੱਲੀ ‘ਚ ਟੀਚਰਾਂ ਨੂੰ ਦਿਹਾੜੀਦਾਰ ਮਜ਼ਦੂਰਾਂ ਵਾਂਗ ਟ੍ਰੀਟ ਕੀਤਾ ਜਾ ਰਿਹਾ ਹੈ। ਉਹਨਾਂ ਮੁਤਾਬਕ, “ਇਥੇ ਟੀਚਰਾਂ ਨੂੰ ਗੈਸਟ ਦੇ ਹਿਸਾਬ ਨਾਲ ਪੈਸੇ ਦਿੱਤੇ ਜਾਂਦੇ ਹਨ, ਕੋਈ ਵੀਕਲੀ ਆਫ ਜਾਂ ਹੋਰ ਛੁੱਟੀ ਨਹੀਂ ਦਿੱਤੀ ਜਾ ਰਹੀ। ਜੋ ਕਾਨਟ੍ਰੈਕਟ ਕੀਤਾ ਜਾ ਰਿਹਾ ਹੈ, ਉਸਦੀ ਵੀ ਕੋਈ ਗਾਰੰਟੀ ਨਹੀਂ ਹੈ। ਬਿਨ੍ਹਾਂ ਨੋਟਿਸ ਹੀ ਟੀਚਰਾਂ ਨੂੰ ਹਟਾ ਦਿੱਤਾ ਜਾਂਦਾ ਹੈ।”
”ਨੌਕਰੀਆਂ ਤੇ ਕਾਲਜਾਂ ਦੇ ਵਾਅਦੇ ਦਾ ਕੀ ਹੋਇਆ?”
ਸਿੱਧੂ ਨੇ ਕਿਹਾ ਕਿ ‘ਆਪ’ ਨੇ ਸਾਲ 2015 ਵਿੱਚ ਆਪਣੇ ਮੈਨੀਫੈਸਟੋ ‘ਚ 8 ਲੱਖ ਨਵੀਆਂ ਨੌਕਰੀਆਂ ਅਤੇ 20 ਨਵੇਂ ਕਾਲਜ ਖੋਲ੍ਹਣ ਦਾ ਵਾਅਦਾ ਕੀਤਾ ਸੀ, ਪਰ ਹੁਣ ਸਾਰੇ ਵਾਅਦੇ ਕਿਥੇ ਗਏ? ਉਹਨਾਂ ਦਾਅਵਾ ਕੀਤਾ ਕਿ ਦਿੱਲੀ ਸਰਕਾਰ ਤੋਂ ਹੀ ਪ੍ਰਾਪਤ ਅੰਕੜਿਆਂ ਮੁਤਾਬਕ, ਸਿਰਫ਼ 440 ਲੋਕਾਂ ਨੂੰ ਹੀ ਨੌਕਰੀਆਂ ਦਿੱਤੀਆਂ ਗਈਆਂ ਹਨ। ਉਹਨਾਂ ਕਿਹਾ ਕਿ ਦਿੱਲੀ ਸਰਕਾਰ ਨੇ ਠੇਕੇ ‘ਤੇ ਕੰਮ ਕਰਨ ਵਾਲਿਆਂ ਨੂੰ ਸਥਾਈ ਅਧਿਆਪਕਾਂ ਦੀ ਤਰਜ ‘ਤੇ ਬਰਾਬਰ ਸੈਲਰੀ ਦੇਣ ਦਾ ਵਾਅਦਾ ਕੀਤਾ ਸੀ, ਪਰ ਉਹ ਵੀ ਹਵਾ ਹਵਾਈ ਨਿਕਲਿਆ। ਸਿੱਧੂ ਨੇ ਤੰਜ ਭਰੇ ਅੰਦਾਜ਼ ਵਿੱਚ ਕਿਹਾ, “ਪੰਜਾਬ ‘ਚ ਗਾਰੰਟੀਆਂ ਦੀਆਂ ਘੰਟੀਆਂ ਵਜਾਉਣ ਵਾਲਿਆਂ ਦੀ ਆਪਣੀ ਘੰਟੀ ਵੱਜ ਗਈ ਹੈ।”
