ਬਿਓਰੋ, September 5, 2022
ਏਸ਼ੀਆ ਕੱਪ 2022 ਦੇ ਸੁਪਰ-4 ਮੁਕਾਬਲੇ ‘ਚ ਐਤਵਾਰ ਨੂੰ ਪਾਕਿਸਤਾਨ ਨੇ ਭਾਰਤ ਨੂੰ 5 ਵਿਕਟਾੰ ਨਾਲ ਹਰਾ ਦਿੱਤਾ। ਇਸ ਮੈਚ ਵਿੱਚ ਭਾਰਤ ਦੇ ਤੇਜ਼ ਗੇੰਦਬਾਜ਼ ਅਰਸ਼ਦੀਪ ਸਿੰਘ ਵੱਲੋੰ ਇੱਕ ਬੇਹੱਦ ਅਸਾਨ ਕੈਚ ਛੱਡਣ ਦੇ ਚਲਦੇ ਉਹਨਾੰ ਦੀ ਕਾਫੀ ਅਲੋਚਨਾ ਹੋ ਰਹੀ ਹੈ ਅਤੇ ਅਰਸ਼ਦੀਪ ਨੂੰ ਸੋਸ਼ਲ ਮੀਡੀਆ ‘ਤੇ ਜੰਮ ਕੇ ਟ੍ਰੋਲ ਕੀਤਾ ਜਾ ਰਿਹਾ ਹੈ। ਇੰਨਾ ਹੀ ਨਹੀੰ, ਅਰਸ਼ਦੀਪ ਨੂੰ ਖਾਲਿਸਤਾਨੀ ਅਤੇ ਦੇਸ਼ਧ੍ਰੋਹੀ ਤੱਕ ਕਿਹਾ ਜਾ ਰਿਹਾ ਹੈ।
Wikipedia ਪ੍ਰੋਫਾਈਲ ‘ਤੇ ਲਿਖਿਆ ‘ਖਾਲਿਸਤਾਨੀ’
ਇਸ ਸਭ ਦੇ ਵਿਚਾਲੇ ਜਾਣਕਾਰੀ ਇਹ ਵੀ ਹੈ ਕਿ ਵਿਕੀਪੀਡੀਆ ‘ਤੇ ਵੀ ਅਰਸ਼ਦੀਪ ਸਿੰਘ ਦੇ ਪੇਜ ‘ਤੇ ਵੱਡਾ ਬਦਲਾਅ ਕਰਕੇ ਉਹਨਾੰ ਨੂੰ ਖਾਲਿਸਤਾਨੀ ਵਿਖਾਉਣ ਦੀ ਕੋਸ਼ਿਸ਼ ਕੀਤੀ ਗਈ। ਵਿਕੀਪੀਡੀਆ ਵਿੱਚ ਐਡੇਟਿੰਗ ਕਰਕੇ ਉਹਨਾੰ ਨੂੰ ਖਾਲਿਸਤਾਨ ਸਮਰਥਕ ਦੱਸਿਆ ਗਿਆ।
ਇਸ ਮਾਮਲੇ ‘ਚ ਭਾਰਤ ਸਰਕਾਰ ਨੇ ਸਖਤ ਰੁਖ ਅਖਤਿਆਰ ਕੀਤਾ ਹੈ ਅਤੇ IT ਮੰਤਰਾਲੇ ਨੇ ਵਿਕੀਪੀਡੀਆ ਨੂੰ ਨੋਟਿਸ ਜਾਰੀ ਕਰਕੇ ਜਵਾਬ ਤਲਬ ਕਰ ਲਿਆ ਹੈ। ਫਿਲਹਾਲ ਵਿਕੀਪੀਡੀਆ ਨੇ ਅਰਸ਼ਦੀਪ ਦੇ ਪ੍ਰੋਫਾਈਲ ਨੂੰ ਠੀਕ ਕਰ ਦਿੱਤਾ ਹੈ।
ਇੱਕ ਕੈਚ ਕੀ ਛੁੱਟਿਆ, ਪੰਜਾਬ ਦੇ ਪੁੱਤਰ ਨੂੰ ‘ਖਾਲਿਸਤਾਨੀ’ ਦੱਸਣ ਲੱਗੇ ਲੋਕ…ਬਚਾਅ ‘ਚ ਉਤਰੇ ਕਈ ਦਿੱਗਜ
ਸਿਰਸਾ ਵੱਲੋੰ Alt news ਦੇ ਫਾਊੰਡਰ ਖਿਲਾਫ਼ ਸ਼ਿਕਾਇਤ
ਓਧਰ ਦਿੱਲੀ ਸਿੱਖ ਗੁਰਦੁਆਰਾ ਮੈਨੇਜਮੈੰਟ ਕਮੇਟੀ ਦੇ ਸਾਬਕਾ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਦਾਅਵਾ ਕਰ ਰਹੇ ਹਨ ਕਿ ਅਰਸ਼ਦੀਪ ਸਿੰਘ ਦੇ ਖਿਲਾਫ਼ ਇਹ ਖਾਲਿਸਤਾਨੀ ਸਾਜ਼ਿਸ਼ Alt news ਦੇ ਫਾਊੰਡਰ ਮੁਹੰਮਦ ਜ਼ੁਬੈਰ ਵੱਲੋੰ ਕੀਤੀ ਗਈ। ਸਿਰਸਾ ਦਾ ਇਲਜ਼ਾਮ ਹੈ ਕਿ ਮੁਹੰਮਦ ਜ਼ੁਬੈਰ ਦੇ ਕਥਿਤ ਟਵਿਟਰ ਅਕਾਊੰਟ zoo_bear ਵੱਲੋੰ ਸਿੱਖ ਕੌਮ ਦੇ ਖਿਲਾਫ਼ ਭੈੜੇ ਅਤੇ ਜਾਣਬੁੱਝ ਕੇ ਨਫਰਤ ਫੈਲਾਉਣ ਵਾਲਾ ਪ੍ਰਚਾਰ ਕੀਤਾ ਜਾ ਰਿਹਾ ਹੈ ਅਤੇ ਅਰਸ਼ਦੀਪ ਸਿੰਘ ਖਿਲਾਫ਼ ਚੱਲ ਰਹੇ ਪ੍ਰੋਪੈਗੰਡਾ ਦੀ ਸ਼ੁਰੂਆਤ ਵੀ ਇਸੇ ਟਵਿਟਰ ਅਕਾਊੰਟ ਤੋੰ ਕੀਤੀ ਗਈ। ਸਿਰਸਾ ਨੇ ਜ਼ੁਬੈਰ ਖਿਲਾਫ਼ ਦਿੱਲੀ ਪੁਲਿਸ ਕੋਲ ਸ਼ਿਕਾਇਤ ਵੀ ਦਰਜ ਕਰਵਾਈ ਹੈ।
I have filed a police complaint against @zoo_bear as he was a part of Pak’s conspiracy to defame Sikhs and fuel hate campaign against Sikhs in India. His screenshots are used by Pak handles. I have demanded enquiry into who supported Zubair in creating this “Khalistani” agenda pic.twitter.com/xtc5U5yEsj
— Manjinder Singh Sirsa (@mssirsa) September 5, 2022
ਮੁਹੰਮਦ ਜ਼ੁਬੈਰ ਦੇਸ਼ ਵਿਰੋਧੀ ਤਾਕਤਾੰ ਨਾਲ ਕੰਮ ਕਰ ਰਹੇ- ਸਿਰਸਾ
ਸਿਰਸਾ ਦਾ ਇਲਜ਼ਾਮ ਹੈ ਕਿ ਮੁਹੰਮਦ ਜ਼ੁਬੈਰ ਸਰਹੱਦ ਪਾਰ ਭਾਰਤ ਵਿਰੋਧੀ ਤਾਕਤਾੰ ਦੀ ਮਿਲੀਭੁਗਤ ਨਾਲ ਦੇਸ਼ ਖਿਲਾਫ਼ ਏਜੰਡਾ ਚਲਾ ਰਹੇ ਹਨ ਅਤੇ ਉਹਨਾੰ ਨੇ ‘ਖਾਲਿਸਤਾਨੀ’ ਸ਼ਬਦ ਲੱਭ ਕੇ ਵੱਖ-ਵੱਖ ਟਵਿਟਰ ਹੈੰਡਲਾੰ ਤੋੰ ਟਵੀਟਸ ਦਾ ਸਕ੍ਰੀਨਸ਼ਾਟ ਲਿਆ ਅਤੇ 4 ਅਤੇ 5 ਸਤੰਬਰ, 2022 ਦੀ ਰਾਤ 00.05 ਵਜੇ ਇਹਨਾੰ ਨੂੰ ਕੁਝ ਅਜਿਹੇ ਟਵੀਟਸ ਨਾਲ ਰਲਾ ਕੇ ਪੋਸਟ ਕਰ ਦਿੱਤਾ ਗਿਆ ਕਿ ਇੰਝ ਲੱਗੇ ਕਿ ਟਵੀਟਸ ਭਾਰਤੀਆੰ ਵੱਲੋੰ ਕੀਤੇ ਗਏ ਹਨ, ਜਦਕਿ ਇਹਨਾੰ ਵਿੱਚੋੰ ਵਧੇਰੇਤਰ ਟਵਿਟਰ ਅਕਾਊੰਟ ਪਾਕਿਸਤਾਨੀ ਸਨ।
ਸਿਰਸਾ ਨੇ ਕਿਹਾ ਕਿ ਇਹਨਾੰ ਟਵੀਟਸ ਦਾ ਮਕਸਦ ਸਿਰਫ਼ ਤੇ ਸਿਰਫ਼ ਭਾਰਤ, ਕੌਮੀ ਏਕਤਾ, ਸਿੱਖ ਭਾਈਚਾਰੇ ਅਤੇ ਉਸ ਕੌਮੀ ਪੱਧਰ ਦੇ ਖਿਡਾਰੀ ਦੇ ਖਿਲਾਫ਼ ਨਫ਼ਰਤ ਫੈਲਾਉਣਾ ਸੀ, ਜਿਸਨੇ ਦੇਸ਼ ਲਈ ਆਪਣਾ ਦਿਲ ਅਤੇ ਆਤਮਾ ਸਭ ਕੁਰਬਾਨ ਕਰ ਦਿੱਤਾ।
We are going to file a police complaint agnst @zoo_bear who worked in tandem with Pak agencies to set “Khalistani” narrative against #ArshdeepSingh in India. Zubair cleverly took screenshots with the search word “Khalistani” even when some of tweets in these SS are from Pakistan pic.twitter.com/6Y9plwH8Yv
— Manjinder Singh Sirsa (@mssirsa) September 5, 2022
FIR ਦਰਜ ਕਰਕੇ ਮਾਮਲੇ ਦੀ ਜਾੰਚ ਕੀਤੀ ਜਾਵੇ- ਸਿਰਸਾ
ਮਨਜਿੰਦਰ ਸਿਰਸਾ ਨੇ ਮੰਗ ਕੀਤੀ ਕਿ ਮੁਹੰਮਦ ਜ਼ੁਬੈਰ ਅਤੇ ਉਹਨਾੰ ਦੇ ਪਾਕਿਸਤਾਨ ਬੈਠੇ ਸਾਥੀਆੰ ਖਿਲਾਫ਼ FIR ਦਰਜ ਕੀਤੀ ਜਾਵੇ ਅਤੇ ਮਾਮਲੇ ਦੀ ਜਾੰਚ ਕਰਕੇ ਉਹਨਾੰ ਮੁਲਜ਼ਮਾੰ ਨੂੰ ਸਜ਼ਾ ਦਿੱਤੀ ਜਾਵੇ, ਜੋ ਦੇਸ਼ ਅਤੇ ਖਾਸਕਰ ਸਿੱਖ ਭਾਈਚਾਰੇ ਦੀ ਏਕਤਾ ਨੂੰ ਢਾਹ ਲਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਸਿਰਸਾ ਵੱਲੋੰ ਦਿੱਲੀ ਪੁਲਿਸ ਨੂੰ ਭੇਜੀ ਸ਼ਿਕਾਇਤ ਦੀ ਕਾਪੀ…
