Home Haryana ਓਲੰਪਿਕ ਚੈਂਪੀਅਨਜ਼ ਦਾ ਦੇਸ਼ ਪਰਤਣ 'ਤੇ ਜ਼ੋਰਦਾਰ ਸਵਾਗਤ...ਇਥੇ ਵੇਖੋ GRAND WELCOME ਦੀ...

ਓਲੰਪਿਕ ਚੈਂਪੀਅਨਜ਼ ਦਾ ਦੇਸ਼ ਪਰਤਣ ‘ਤੇ ਜ਼ੋਰਦਾਰ ਸਵਾਗਤ…ਇਥੇ ਵੇਖੋ GRAND WELCOME ਦੀ ਹਰ ਤਸਵੀਰ

ਦਿੱਲੀ। ਟੋਕਿਓ ਓਲੰਪਿਕ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਵਾਲੇ ਭਾਰਤ ਦੇ ਚੈਂਪੀਅਨਜ਼ ਦੇਸ਼ ਪਰਤ ਆਏ ਹਨ। ਏਅਰਪੋਰਟ ‘ਤੇ ਸਾਰੇ ਅਥਲੀਟਾਂ ਦਾ ਜ਼ੋਰਦਾਰ ਸਵਾਗਤ ਕੀਤਾ ਗਿਆ। ਓਲੰਪਿਕ ਦੇ ਚੈਂਪੀਅਨਜ਼ ਦਾ ਸਵਾਗਤ ਬੈਂਡ-ਬਾਜੇ ਨਾਲ ਕੀਤਾ ਗਿਆ।

ਦੇਸ਼ ਦੇ ਮੈਡਲ ਜੇਤੂਆਂ ਦੀ ਇੱਕ ਝਲਕ ਪਾਉਣ ਲਈ ਏਅਰਪੋਰਟ ‘ਤੇ ਜ਼ਬਰਦਸਤ ਹਜ਼ੂਮ ਸੀ। ਗੋਲਡ ਮੈਡਲਿਸਟ ਨੀਰਜ ਚੋਪੜਾ ਦੇ ਨਾਲ ਸੈਲਫੀ ਲੈਣ ਲਈ ਭੀੜ ਉਮੜ ਪਈ। ਬਜਰੰਗ ਪੁਨੀਆ, ਰਵੀ ਦਹੀਆ ਅਤੇ ਲਵਲਿਨਾ ਬੋਰਗੋਹੇਨ ਨੂੰ ਵੀ ਲੋਕਾਂ ਨੇ ਸਰ ਅੱਖਾਂ ‘ਤੇ ਬਿਠਾ ਲਿਆ।

ਪੁਰਸ਼ ਅਤੇ ਮਹਿਲਾ ਹਾਕੀ ਟੀਮ ਦਾ ਵੀ ਬੈਂਡ-ਬਾਜੇ ਨਾਲ ਸਵਾਗਤ ਹੋਇਆ। ਬਾਅਦ ‘ਚ ਦੋਵੇਂ ਟੀਮਾਂ ਨੇ ਅਸ਼ੋਕਾ ਹੋਟਲ ‘ਚ ਕੇਕ ਕੱਟ ਕੇ ਜਸ਼ਨ ਮਨਾਇਆ। ਪੁਰਸ਼ ਹਾਕੀ ਟੀਮ ਨੇ ਓਲੰਪਿਕ ‘ਚ ਬ੍ਰਾਨਜ਼ ਮੈਡਲ ਆਪਣੇ ਨਾਂਅ ਕੀਤਾ ਹੈ, ਜਦਕਿ ਮਹਿਲਾ ਹਾਕੀ ਟੀਮ ਬਿਹਤਰ ਪ੍ਰਦਰਸ਼ਨ ਦੇ ਬਾਵਜੂਦ ਮੈਡਲ ਤੋਂ ਖੁੰਝ ਗਈ।

ਅਸ਼ੋਕਾ ਹੋਟਲ ‘ਚ ਓਲੰਪਿਕ ਦੇ ਚੈਂਪੀਅਨਜ਼ ਦਾ ਸਨਮਾਨ ਕੀਤਾ ਗਿਆ। ਇਸ ਦੌਰਾਨ ਖੇਡ ਮੰਤਰੀ ਅਨੁਰਾਗ ਠਾਕੁਰ ਅਤੇ ਸਾਬਕਾ ਖੇਜ ਮੰਤਰੀ ਕਿਰਨ ਰਿਜਿਜੂ ਵੀ ਮੌਜੂਦ ਰਹੇ।

ਓਲੰਪਿਕ ‘ਚ ਗੋਲਡ ਮੈਡਲਿਸਟ ਨੀਰਜ ਚੋਪੜਾ ਨੇ ਕਿਹਾ ਕਿ ਇਹ ਮੈਡਲ ਸਿਰਫ ਉਹਨਾਂ ਦਾ ਨਹੀਂ. ਪੂਰੇ ਦੇਸ਼ ਦਾ ਹੈ।

ਭਾਰਤ ਦਾ ਸਭ ਤੋਂ ਸਫਲ ਓਲੰਪਿਕ

ਕਾਬਿਲੇਗੌਰ ਹੈ ਕਿ ਟੋਕਿਓ ਓਲੰਪਿਕ ‘ਚ ਹੁਣ ਤੱਕ ਦਾ ਸਭ ਤੋਂ ਬਿਹਤਰੀਨ ਪ੍ਰਦਰਸ਼ਨ ਕੀਤਾ। ਭਾਰਤ ਨੇ ਇਸ ‘ਚ 7 ਮੈਡਲ (1 ਗੋਲਡ, 2 ਸਿਲਵਰ ਅਤੇ 4 ਬ੍ਰਾਨਜ਼) ਆਪਣੇ ਨਾਂਅ ਕੀਤੇ ਹਨ। ਇਸ ਤੋਂ ਪਹਿਲਾਂ 2012 ਦੇ ਲੰਡਨ ਓਲੰਪਿਕ ‘ਚ ਭਾਰਤ ਨੇ 6 ਮੈਡਲ ਜਿੱਤੇ ਸਨ।

ਨੀਰਜ ਚੋਪੜਾ ਦੇ ਜੈਵਲਿਨ ਥ੍ਰੋ ‘ਚ ਗੋਲਡ, ਮੀਰਾਬਾਈ ਚਾਨੂ ਨੇ ਵੇਟ ਲਿਫਟਿੰਗ ‘ਚ ਸਿਲਵਰ, ਪੀਵੀ ਸਿੰਧੂ ਨੇ ਬੈਡਮਿੰਟਨ ‘ਚ ਬ੍ਰਾਨਜ਼ ਅਤੇ ਲਵਲਿਨਾ ਬੋਰਗੋਹੇਨ ਨੇ ਬਾਕਸਿੰਗ ‘ਚ ਬ੍ਰਾਨਜ਼ ਮੈਡਲ ਆਪਣੇ ਨਾਂਅ ਕੀਤਾ ਹੈ। ਓਧਰ ਕੁਸ਼ਤੀ ‘ਚ ਰਵੀ ਦਹੀਆ ਨੇ ਸਿਲਵਰ ਅਤੇ ਬਜਰੰਗ ਪੁਨੀਆ ਨੇ ਬ੍ਰਾਨਜ਼ ਮੈਡਲ ਜਿੱਤ ਕੇ ਭਾਰਤ ਦੀ ਝੋਲੀ ਪਾਇਆ ਹੈ। ਨਾਲ ਹੀ ਭਾਰਤੀ ਪੁਰਸ਼ ਹਾਕੀ ਟੀਮ ਨੇ 41 ਸਾਲਾਂ ਦਾ ਸੋਕਾ ਖਤਮ ਕਰਦੇ ਹੋਏ ਭਾਰਤ ਨੂੰ ਬ੍ਰਾਨਜ਼ ਮੈਡਲ ਜਿਤਾ ਕੇ ਇਤਿਹਾਸ ਰਚਿਆ ਹੈ।

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments