ਟੋਕਿਓ। ਟੋਕਿਓ ਓਲੰਪਿਕ ‘ਚ ਪੁਰਸ਼ ਹਾਕੀ ਟੀਮ ਦੀ ਸਫਲਤਾ ਤੋਂ ਬਾਅਦ ਮਹਿਲਾ ਟੀਮ ਤੋਂ ਜੋ ਉਮੀਦ ਕੀਤੀ ਜਾ ਰਹੀ ਸੀ, ਉਹ ਉਸ ‘ਚ ਸਫਲ ਨਹੀਂ ਹੋ ਸਕੀਆਂ। ਪਰ ਜਿਸ ਦਲੇਰੀ ਨਾਲ ਟੀਮ ਇੰਡੀਆ ਨੇ ਗ੍ਰੇਟ ਬ੍ਰਿਟੇਨ ਵਰਗੀ ਮਜਬੂਤ ਟੀਮ ਨਾਲ ਸੰਘਰਸ਼ ਕੀਤਾ, ਉਸ ਨੂੰ ਨਜ਼ਰਅੰਦਾਜ਼ ਵੀ ਨਹੀਂ ਕੀਤਾ ਜਾ ਸਕਦਾ। ਇਥੋਂ ਤੱਕ ਕਿ ਪੂਰੇ ਓਲੰਪਿਕ ਦੌਰਾਨ ਟੀਮ ਦੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਪੂਰੇ ਦੇਸ਼ ‘ਚ ਖੂਬ ਵਾਹਵਾਹੀ ਬਟੋਰੀ।
ਜਿਸ ਟੀਮ ਦੇ ਬਾਰੇ ਕੁਆਰਟਰ ਫਾਈਨਲ ‘ਚ ਜਗ੍ਹਾ ਬਣਾਉਣ ਨੂੰ ਲੈ ਕੇ ਵੀ ਸ਼ੱਕ ਜਤਾਇਆ ਜਾ ਰਿਹਾ ਸੀ, ਉਸ ਟੀਮ ਨੇ ਆਸਟ੍ਰੇਲੀਆ ਵਰਗੀ ਦਿੱਗਜ ਟੀਮ ਨੂੰ ਹਰਾ ਕੇ ਪਹਿਲੀ ਵਾਰ ਸੈਮੀਫਾਈਨਲ ਤੱਕ ਦਾ ਸਫਰ ਤੈਅ ਕੀਤਾ। ਹਾਲਾਂਕਿ ਸੈਮੀਫਾਈਨਲ ‘ਚ ਟੀਮ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਤੇ ਹੁਣ ਬ੍ਰਾਨਜ਼ ਮੈਡਲ ਮੈਚ ਵਿੱਚ ਵੀ ਭਾਰਤ ਹੱਥ ਨਿਰਾਸ਼ਾ ਹੀ ਲੱਗੀ।
ਬ੍ਰਾਨਜ਼ ਮੈਡਲ ਮੈਚ ਵਿੱਚ ਹਾਰਨ ਮਗਰੋਂ ਟੀਮ ਇੰਡੀਆ ਬੇਹੱਦ ਭਾਵੁਕ ਨਜ਼ਰ ਆਈ। ਖਾਸਕਰ ਉਸ ਵੇਲੇ, ਜਦੋਂ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਟੀਮ ਦਾ ਹੌਸਲਾ ਵਧਾਉਣ ਲਈ ਟੀਮ ਦੀਆਂ ਖਿਡਾਰਨਾਂ ਨੂੰ ਫੋਨ ਕੀਤਾ। ਪੀਐੱਮ ਨਾਲ ਗੱਲ ਕਰਦਿਆਂ ਸਾਰੀਆਂ ਖਿਡਾਰਨਾਂ ਆਪਣੇ ਇਮੋਸ਼ਨ ਰੋਕ ਨਹੀਂ ਪਾਈਆਂ। ਇਸ ‘ਤੇ ਮੋਦੀ ਨੇ ਉਹਨਾਂ ਦਾ ਹੌਸਲਾ ਵਧਾਇਆ ਤੇ ਕਿਹਾ ਕਿ ਨਿਰਾਸ਼ ਨਹੀਂ ਹੋਣਾ, ਤੁਹਾਡੀ ਮਿਹਨਤ ਨੇ ਤਾਂ ਹਾਕੀ ‘ਚ ਨਵੀਂ ਜਾਨ ਲਿਆਂਦੀ ਹੈ।
PM Shri @narendramodi's heartening conversation with the members of Indian Women Hockey Team!#Tokyo2020
(1/2) pic.twitter.com/QoBsRUXLiP
— Mann Ki Baat Updates मन की बात अपडेट्स (@mannkibaat) August 6, 2021
ਪ੍ਰਧਾਨ ਮੰਤਰੀ ਨਾਲ ਮਹਿਲਾ ਹਾਕੀ ਟੀਮ ਦੀ ਹੋਈ ਪੂਰੀ ਗੱਲਬਾਤ ਇਥੇ ਪੜ੍ਹੋ:-
ਪ੍ਰਧਾਨ ਮੰਤਰੀ ਨੇ ਕਿਹਾ, “ਤੁਸੀਂ ਸਾਰੇ ਬਹੁਤ ਵਧੀਆ ਖੇਡੇ ਹੋ। ਤੁਸੀਂ ਪਿਛਲੇ 5-6 ਸਾਲਾਂ ‘ਚ ਇੰਨਾ ਪਸੀਨਾ ਵਹਾਇਆ ਹੈ, ਸਭ ਕੁਝ ਛੱਡ ਕੇ ਤੁਸੀਂ ਇਸੇ ਦੀ ਸਾਧਨਾ ਕਰ ਰਹੇ ਸੀ। ਤੁਹਾਡਾ ਪਸੀਨਾ ਮੈਡਲ ਨਹੀਂ ਲਿਆ ਸਕਿਆ, ਪਰ ਤੁਹਾਡਾ ਪਸੀਨਾ ਦੇਸ਼ ਦੀਆਂ ਕਰੋੜਾਂ ਧੀਆਂ ਦਾ ਪਸੀਨਾ ਬਣ ਗਿਆ। ਮੈਂ ਤੁਹਾਡੀ ਟੀਮ ਦੇ ਕੋਚ ਸਾਰਿਆਂ ਨੂੰ ਵਧਾਈ ਦੇਂਦਾ ਹਾਂ ਨਿਰਾਸ਼ ਬਿਲਕੁਲ ਨਹੀਂ ਹੋਣਾ ਹੈ।”
ਟੀਮ: ਤੁਸੀਂ ਸਾਡਾ ਇੰਨਾ ਹੌਸਲਾ ਵਧਾਇਆ, ਉਸਦੇ ਲਈ ਸ਼ੁਕਰੀਆ।
ਮੋਦੀ: ਮੈਂ ਵੇਖ ਰਿਹਾ ਸੀ ਕਿ ਨਵਨੀਤ ਦੀ ਅੱਖ ‘ਤੇ ਕੋਈ ਸੱਟ ਵੱਜੀ ਹੈ, ਹੁਣ ਠੀਕ ਹੈ ਨਾ। ਉਸ ਦੀ ਅੱਖ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਿਆ ਨਾ।
ਟੀਮ: ਜੀ ਸਰ, ਉਸਨੂੰ ਚਾਰ ਟਾਂਕੇ ਲੱਗੇ ਹਨ। ਹੁਣ ਉਹ ਠੀਕ ਹੈ।
ਮੋਦੀ: ਵੰਦਨਾ ਅਤੇ ਸਾਰਿਆਂ ਨੇ ਬਹੁਤ ਵਧੀਆ ਕੀਤਾ। ਸਲੀਮਾ ਨੇ ਤਾਂ, ਸਾਰਿਆਂ ਨੂੰ ਲੱਗਿਆ ਕਮਾਲ ਕਰ ਦਿੱਤਾ। ਤੁਸੀਂ ਲੋਕ ਰੋਣਾ ਬੰਦ ਕਰੋ। ਮੇਰੇ ਤੱਕ ਆਵਾਜ਼ ਆ ਰਹੀ ਹੈ। ਦੇਸ਼ ਤੁਹਾਡੇ ‘ਤੇ ਮਾਣ ਮਹਿਸੂਸ ਕਰ ਰਿਹਾ ਹੈ। ਬਿਲਕੁਲ ਨਿਰਾਸ਼ ਨਹੀਂ ਹੋਣਾ ਹੈ। ਕਿੰਨੇ ਦਹਾਕਿਆਂ ਬਾਅਦ ਹਾਕੀ, ਭਾਰਤ ਦੀ ਪਛਾਣ ਮੁੜ ਜੀਵਤ ਹੋ ਰਹੀ ਹੈ। ਤੁਹਾਡੀ ਮਿਹਨਤ ਨਾਲ ਹੋ ਰਹੀ ਹੈ।
ਮੋਦੀ: ਮੈਂ ਵੇਖਿਆ ਕਿ ਤੁਹਾਡੇ ਕੋਚ ਨੇ ਵੀ ਆਪਣਾ ਬੈਸਟ ਦਿੱਤਾ। ਮੈਂ ਵੇਖ ਰਿਹਾ ਸੀ ਕਿ ਕਿਸ ਤਰ੍ਹਾਂ ਉਹ ਕੁੜੀਆਂ ਦਾ ਹੌਸਲਾ ਵਧਾ ਰਹੇ ਸੀ। ਮੈਂ ਤੁਹਾਡਾ ਬਹੁਤ ਸ਼ੁਕਰਗੁਜ਼ਾਰ ਹਾਂ। ਤੁਹਾਨੂੰ ਭਵਿੱਖ ਲਈ ਬੇਹੱਦ ਸ਼ੁਭਕਾਮਨਾਵਾਂ।
ਕੋਚ: ਸਰ ਸ਼ੁਕਰੀਆ, ਕੁੜੀਆਂ ਇਸ ਵੇਲੇ ਬੇਹੱਦ ਭਾਵਕ ਹਨ। ਮੈਂ ਉਨ੍ਹਾਂ ਨੂੰ ਕਹਿ ਰਿਹਾ ਹਾਂ ਕਿ ਉਨ੍ਹਾਂ ਨੇ ਦੇਸ਼ ਨੂੰ ਪ੍ਰੇਰਨਾ ਦਿੱਤੀ ਹੈ। ਉਨ੍ਹਾਂ ਨੇ ਬੇਹੱਦ ਅਹਿਮ ਕੰਮ ਕੀਤਾ ਹੈ ਅਤੇ ਉਹਨਾਂ ਨੂੰ ਇਸ ਦਾ ਜਸ਼ਨ ਮਨਾਉਣਾ ਚਾਹੀਦਾ ਹੈ। ਤੁਹਾਡੇ ਸਮਰਥਨ ਦੇ ਲਈ ਸ਼ੁਕਰੀਆ ਸਰ।
ਪ੍ਰਧਾਨ ਮੰਤਰੀ: ਥੈਂਕ ਯੂ, ਥੈਂਕ ਯੂ।
