ਨਵੀਂ ਦਿੱਲੀ। ਭਾਰਤ ‘ਚ ਖਿਡਾਰੀਆਂ ਨੂੰ ਦਿੱਤਾ ਜਾਣ ਵਾਲਾ ਸਭ ਤੋਂ ਵੱਡਾ ਸਨਮਾਨ ਰਾਜੀਵ ਗਾਂਧੀ ਖੇਲ ਰਤਨ ਪੁਰਸਕਾਰ ਹੁਣ ਸਾਬਕਾ ਪੀਐੱਮ ਦੀ ਬਜਾਏ ਹਾਕੀ ਦੇ ਜਾਦੂਗਰ ਮੇਜਰ ਧਿਆਨ ਚੰਦ ਦੇ ਨਾਂਅ ਨਾਲ ਜਾਣਿਆ ਜਾਵੇਗਾ। ਕੇਂਦਰ ਸਰਕਾਰ ਨੇ ਅਹਿਮ ਫੈਸਲਾ ਲੈਂਦੇ ਹੋਏ ਖੇਲ ਰਤਨ ਪੁਰਸਕਾਰ ਦਾ ਨਾਂਅ ਬਦਲ ਕੇ ਮੇਜਰ ਧਿਆਨ ਚੰਦ ਖੇਲ ਰਤਨ ਪੁਰਸਕਾਰ ਕਰ ਦਿੱਤਾ ਹੈ। ਖੁਦ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਟਵਿਟਰ ‘ਤੇ ਇਸ ਬਾਰੇ ਜਾਣਕਾਰੀ ਦਿੱਤੀ ਹੈ।
ਆਪਣੇ ਟਵੀਟ ‘ਚ ਪ੍ਰਧਾਨ ਮੰਤਰੀ ਨੇ ਲਿਖਿਆ, “ਦੇਸ਼ ਨੂੰ ਮਾਣ ਮਹਿਸੂਸ ਕਰਵਾਉਣ ਵਾਲੇ ਪਲਾਂ ਵਿਚਾਲੇ ਕਈ ਦੇਸ਼ਵਾਸੀਆਂ ਦੀ ਇਹ ਅਪੀਲ ਸਾਹਮਣੇ ਆਈ ਹੈ ਕਿ ਖੇਲ ਰਤਨ ਪੁਰਸਕਾਰ ਦਾ ਨਾਂਅ ਬਦਲ ਕੇ ਮੇਜਰ ਧਿਆਨ ਚੰਦ ਜੀ ਨੂੰ ਸਮਰਪਿਤ ਕੀਤਾ ਜਾਵੇ। ਲੋਕਾਂ ਦੀਆਂ ਭਾਵਨਾਵਾਂ ਨੂੰ ਵੇਖਦੇ ਹੋਏ ਇਸਦਾ ਨਾਂਅ ਹੁਣ ਮੇਜਰ ਧਿਆਨ ਚੰਦ ਖੇਲ ਰਤਨ ਪੁਰਸਕਾਰ ਕੀਤਾ ਜਾ ਰਿਹਾ ਹੈ। ਜੈ ਹਿੰਦ।”
I have been getting many requests from citizens across India to name the Khel Ratna Award after Major Dhyan Chand. I thank them for their views.
Respecting their sentiment, the Khel Ratna Award will hereby be called the Major Dhyan Chand Khel Ratna Award!
Jai Hind! pic.twitter.com/zbStlMNHdq
— Narendra Modi (@narendramodi) August 6, 2021
ਇੱਕ ਹੋਰ ਟਵੀਟ ‘ਚ ਪੀਐੱਮ ਨੇ ਕਿਹਾ, “ਮੇਜਰ ਧਿਆਨ ਚੰਦ ਭਾਰਤ ਦੇ ਉਹਨਾਂ ਖਿਡਾਰੀਆਂ ‘ਚੋਂ ਸਨ, ਜਿਹਨਾਂ ਨੇ ਭਾਰਤ ਲਈ ਸਨਮਾਨ ਅਤੇ ਮਾਣ ਕਮਾਇਆ।” ਸਾਡੇ ਦੇਸ਼ ਦਾ ਸਭ ਤੋਂ ਵੱਡਾ ਖੇਡ ਸਨਮਾਨ ਉਹਨਾਂ ਦੇ ਨਾਂਅ ‘ਤੇ ਰੱਖਿਆ ਜਾਣਾ ਬਿਲਕੁੱਲ ਸਹੀ ਹੈ।“
Major Dhyan Chand was among India’s foremost sportspersons who brought honour and pride for India. It is fitting that our nation’s highest sporting honour will be named after him.
— Narendra Modi (@narendramodi) August 6, 2021
ਖੇਲ ਰਤਨ ਐਵਾਰਡ ਦਾ ਇਤਿਹਾਸ
ਦੇਸ਼ ਦੇ ਖਿਡਾਰੀਆਂ ਨੂੰ ਉਤਸ਼ਾਹਿਤ ਅਤੇ ਸਨਮਾਨਿਤ ਕਰਨ ਦੇ ਮਕਸਦ ਨਾਲ ਇਸ ਐਵਾਰਡ ਦੀ ਸ਼ੁਰਆਤ 1991-92 ‘ਚ ਕੀਤੀ ਗਈ ਸੀ। ਉਸ ਵੇਲੇ ਇਸਦਾ ਨਾਂਅ ਦੇਸ਼ ਦੇ ਸਾਬਕਾ ਪ੍ਰਧਾਨ ਮੰਤਰੀ ਰਾਜੀਵ ਗਾਂਧੀ ਦੇ ਨਾਂਅ ‘ਤੇ ਰੱਖਿਆ ਗਿਆ ਸੀ। ਧਿਆਨ ਚੰਦ ਦੇ ਜਨਮਦਿਨ(29 ਅਗਸਤ) ਨੂੰ ਕੌਮੀ ਖੇਡ ਦਿਵਸ ਵਜੋਂ ਮਨਾਇਆ ਜਾਂਦਾ ਹੈ। ਇਸੇ ਦਿਨ ਖੇਲ ਰਤਨ ਤੋਂ ਇਲਾਵਾ ਅਰਜੁਨ ਤੇ ਦ੍ਰੋਣਾਚਾਰਿਆ ਐਵਾਰਡ ਦਿੱਤੇ ਜਾਂਦੇ ਹਨ।
ਕਿਉਂ ਹਾਕੀ ਦੇ ‘ਜਾਦੂਗਰ’ ਹਨ ਮੇਜਰ?
ਆਪਣੇ ਹਾਕੀ ਦੇ ‘ਜਾਦੂ’ ਨਾਲ ਮੇਜਰ ਧਿਆਨ ਚੰਦ ਲਗਾਤਾਰ 3 ਓਲੰਪਿਕ ‘ਚ ਭਾਰਤ ਨੂੰ ਗੋਲਡ ਮੈਡਲ ਜਿਤਾ ਚੁੱਕੇ ਹਨ। ਉਹਨਾਂ ਨੇ ਆਪਣੇ ਆਖਰੀ ਓਲੰਪਿਕ(ਬਰਲਿਨ 1936) ‘ਚ 13 ਗੋਲ ਕੀਤੇ ਸਨ। ਇਸ ਤੋਂ ਇਲਾਵਾ ਐਮਸਟਰਡਮ, ਲੌਸ ਐਂਜਲਿਸ ਅਤੇ ਬਰਲਿਨ ਓਲੰਪਿਕ ਨੂੰ ਮਿਲਾ ਕੇ ਧਿਆਨ ਚੰਦ ਨੇ ਕੁੱਲ 39 ਗੋਲ ਕੀਤੇ।
ਹਾਕੀ ਦਾ ਸੁਨਹਿਰਾ ਦੌਰ ਪਰਤਿਆ
ਟੋਕਿਓ ਓਲੰਪਿਕ ‘ਚ ਭਾਰਤੀ ਪੁਰਸ਼ ਅਤੇ ਮਹਿਲਾ ਹਾਕੀ ਟੀਮ ਦੇ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਦੇਸ਼ਵਾਸੀ ਹਾਕੀ ਨੂੰ ਇੱਕ ਵਾਰ ਫਿਰ ਪਿਆਰ ਦੇਣ ਲੱਗੇ ਹਨ। ਪੁਰਸ਼ ਹਾਕੀ ਟੀਮ ਨੇ ਓਲੰਪਿਕ ‘ਚ 41 ਸਾਲ ਦਾ ਸੋਕਾ ਖਤਮ ਕਰਦੇ ਹੋਏ ਬ੍ਰਾਨਜ਼ ਮੈਡਲ ਹਾਸਲ ਕਰਕੇ ਭਾਰਤ ਦੀ ਝੋਲੀ ਪਾਇਆ ਹੈ, ਤਾਂ ਉਥੇ ਹੀ ਮਹਿਲਾ ਹਾਕੀ ਟੀਮ ਨੇ ਪਹਿਲੀ ਵਾਰ ਸੈਮੀਫਾਈਨਲ ਤੱਕ ਦਾ ਸਫਰ ਤੈਅ ਕੀਤਾ ਹੈ।
