ਟੋਕਿਓ। ਕੁਸ਼ਤੀ ਦੇ ‘ਦੰਗਲ’ ‘ਚ ਗੋਲਡ ਮੈਡਲ ਹਾਸਲ ਕਰਨ ਦਾ ਭਾਰਤ ਦਾ ਸੁਫਨਾ ਪੂਰਾ ਨਹੀਂ ਹੋ ਸਕਿਆ ਅਤੇ ਭਲਵਾਨ ਰਵੀ ਦਹੀਆ ਨੂੰ ਸਿਲਵਰ ਮੈਡਲ ਨਾਲ ਹੀ ਸਬਰ ਕਰਨਾ ਪਿਆ। ਟੋਕਿਓ ਓਲੰਪਿਕ ਦੇ 57 ਕਿੱਲੋਗ੍ਰਾਮ ਭਾਰ ਵਰਗ ਦੇ ਫਾਈਨਲ ਮੁਕਾਬਲੇ ‘ਚ ਰਵੀ ਦਹੀਆ ਨੂੰ 2 ਵਾਰ ਦੇ ਵਰਲਡ ਚੈਂਪੀਅਨ ਰੂਸੀ ਭਲਵਾਨ ਜਾਵੁਰ ਯੁਗੁਏਵ ਹੱਥੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਇਹ ਸਫਲਤਾ ਪੂਰੇ ਦੇਸ਼ ਨੂੰ ਪ੍ਰੇਰਣਾ ਦੇਵੇਗੀ- PM
ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਰਵੀ ਦਹੀਆ ਨੂੰ ਸਿਲਵਰ ਮੈਡਲ ਜਿੱਤਣ ‘ਤੇ ਵਧਾਈ ਦਿੱਤੀ। ਉਹਨਾਂ ਟਵੀਟ ਕਰਕੇ ਕਿਹਾ, “ਰਵੀ ਦੀ ਲੜਨ ਦੀ ਭਾਵਨਾ ਅਤੇ ਦ੍ਰਿੜ੍ਹਤਾ ਸ਼ਾਨਦਾਰ ਹੈ। ਸਿਲਵਰ ਮੈਡਲ ਜਿੱਤਣ ‘ਤੇ ਉਹਨਾਂ ਨੂਂ ਵਧਾਈ। ਉਹਨਾਂ ਦੀ ਇਸ ਉਪਲਬਧੀ ‘ਤੇ ਪੂਰਾ ਭਾਰਤ ਮਾਣ ਮਹਿਸੂਸ ਕਰ ਰਿਹਾ ਹੈ।”
Historic! A day that will be etched in the memory of every Indian.
Congratulations to our Men’s Hockey Team for bringing home the Bronze. With this feat, they have captured the imagination of the entire nation, especially our youth. India is proud of our Hockey team. 🏑
— Narendra Modi (@narendramodi) August 5, 2021
ਪੀਐੱਮ ਨੇ ਰਵੀ ਅਤੇ ਉਹਨਾਂ ਦੇ ਕੋਚ ਅਨਿਲ ਮਾਨ ਨਾਲ ਫੋਨ ‘ਤੇ ਵੀ ਗੱਲ ਕੀਤੀ। ਉਹਨਾਂ ਕਿਹਾ ਕਿ ਰਵੀ ਦੀ ਸਫਲਤਾ ਪੂਰੇ ਦੇਸ਼ ਨੂੰ ਪ੍ਰੇਰਣਾ ਦੇਵੇਗੀ। ਮੋਦੀ ਨੇ ਰਵੀ ਦੀ ਸਖਤ ਮਿਹਨਤ ਲਈ ਉਹਨਾਂ ਦੀ ਤਾਰੀਫ਼ ਵੀ ਕੀਤੀ।
ਰਵੀ ਨੂੰ 4 ਕਰੋੜ ਰੁਪਏ ਦੇਵੇਗੀ ਹਰਿਆਣਾ ਸਰਕਾਰ
ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਸੋਨੀਪਤ ਦੇ ਰਵੀ ਦਹੀਆ ਨੂੰ ਇਸ ਜਿੱਤ ‘ਤੇ ਵਧਾਈ ਦਿੰਦਿਆਂ ਐਲਾਨ ਕੀਤਾ ਕਿ ਸਰਕਾਰ ਉਹਨਾਂ ਨੂੰ 4 ਕਰੋੜ ਰੁਪਏ ਦੀ ਇਨਾਮੀ ਰਾਸ਼ੀ ਦੇਵੇਗੀ। ਇਸਦੇ ਨਾਲ ਹੀ ਉਹਨਾਂ ਨੂੰ ਨੌਕਰੀ ਅਤੇ 50 ਫੀਸਦ ਘੱਟ ਮੁੱਲ ‘ਤੇ ਫਲੈਟ ਵੀ ਮੁਹੱਈਆ ਕਰਵਾਏਗੀ। ਸੂਬਾ ਸਰਕਾਰ ਵੱਲੋਂ ਰਵੀ ਦੇ ਪਿੰਡ ‘ਚ ਖੇਡ ਸਟੇਡੀਅਮ ਬਣਾਏ ਜਾਣ ਦਾ ਵੀ ਐਲਾਨ ਕੀਤਾ ਗਿਆ ਹੈ।
#Tokyo2020 में रजत पदक जीतने पर रवि दहिया को हरियाणा सरकार द्वारा 4 करोड़ की ईनाम राशि और सरकार में क्लास वन की नौकरी व कंसेशनल रेट पर HSVP का प्लॉट देने की घोषणा करता हूँ।
बेटे रवि दहिया को हार्दिक शुभकामनाएं। pic.twitter.com/yrFoAiC9rm
— Manohar Lal (@mlkhattar) August 5, 2021
ਤੁਸੀਂ ਕਮਾਲ ਦਾ ਕਾਰਨਾਮਾ ਕੀਤਾ- ਕੈਪਟਨ
ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਵੀ ਰਵੀ ਦਹੀਆ ਦੇ ਖੇਡ ਦੀ ਤਾਰੀਫ਼ ਕੀਤੀ। ਉਹਨਾਂ ਟਵਿਟਰ ‘ਤੇ ਲਿਖਿਆ, “23 ਸਾਲਾ ਰਵੀ ਕੁਮਾਰ ਦਹੀਆ ਨੂੰ ਟੋਕਿਓ ਓਲੰਪਿਕ ‘ਚ ਸਿਲਵਰ ਮੈਡਲ ਜਿੱਤਣ ਲਈ ਵਧਾਈ। ਤੁਸੀਂ ਛੋਟੀ ਉਮਰ ‘ਚ ਕਮਾਲ ਦਾ ਕਾਰਨਾਮਾ ਕੀਤਾ ਹੈ। ਮੈਨੂੰ ਭਰੋਸਾ ਹੈ ਕਿ ਤੁਸੀਂ ਆਉਣ ਵਾਲੇ ਸਮੇਂ ‘ਚ ਵੱਡੀਆਂ ਉਚਾਈਆਂ ‘ਤੇ ਪਹੁੰਚੋਗੇ ਅਤੇ ਸਾਰਿਆਂ ਨੂੰ ਮਾਣ ਮਹਿਸੂਸ ਕਰਵਾਓਗੇ।”
Congratulations to 23 year old Ravi Kumar Dahiya for clinching #Silver Medal in the #Tokyo2020. You have achieved a remarkable feat at a young age. I am sure you will achieve greater heights in times to come and make us all proud! 🇮🇳 pic.twitter.com/V42U63Aced
— Capt.Amarinder Singh (@capt_amarinder) August 5, 2021
ਚੰਗਾ ਖੇਡ ਰਹੇ ਹੋ ਰਵੀ ਦਹੀਆ- ਰਾਹੁਲ ਗਾਂਧੀ
ਕਾਂਗਰਸ ਸਾਂਸਦ ਰਾਹੁਲ ਗਾਂਧੀ ਨੇ ਰਵੀ ਦੇ ਖੇਡ ਦੀ ਤਾਰੀਫ਼ ਕਰਦਿਆਂ ਟਵੀਟ ਕੀਤਾ ਅਤੇ ਲਿਖਿਆ, “ਸਹੀ ਜਾ ਰਹੇ ਹੋ, ਰਵੀ ਦਹੀਆ। ਸਿਲਵਰ ਲਈ ਕੁਸ਼ਤੀ ਲੜਨ ‘ਤੇ ਤੁਹਾਨੂੰ ਵਧਾਈ।”
Great going, Ravi Dahiya! Congratulations on wrestling your way to the #Silver .#Olympics
— Rahul Gandhi (@RahulGandhi) August 5, 2021
