ਚੰਡੀਗੜ੍ਹ। ਪੰਜਾਬ ‘ਚ ਕੋਰੋਨਾ ਦਾ ਕਹਿਰ ਰੁਕਣ ਦਾ ਨਾੰਅ ਨਹੀਂ ਲੈ ਰਿਹਾ। ਸ਼ੁੱਕਰਵਾਰ ਨੂੰ ਇੱਕ ਵਾਰ ਫਿਰ ਡਰਾਉਣ ਵਾਲੇ ਅੰਕੜੇ ਸਾਹਮਣੇ ਆਏ, ਜੋ ਬੇਹੱਦ ਚਿੰਤਾ ਦਾ ਵਿਸ਼ਾ ਹਨ। ਜਲੰਧਰ, ਲੁਧਿਆਣਾ ਅਤੇ ਮੋਹਾਲੀ ਇੱਕ ਵਾਰ ਫਿਰ ਵੱਡੇ ਹੌਟਸਪੌਟ ਬਣਦੇ ਨਜ਼ਰ ਆ ਰਹੇ ਹਨ। ਪਿਛਲੇ 24 ਘੰਟਿਆਂ ਅੰਦਰ ਸੂਬੇ ‘ਚ 3176 ਨਵੇਂ ਕੋਰੋਨਾ ਕੇਸ ਸਾਹਮਣੇ ਆਏ ਹਨ, ਜਦਕਿ 59 ਲੋਕਾਂ ਦੀ ਜਾਨ ਚਲੀ ਗਈ ਹੈ।
ਸਿਹਤ ਵਿਭਾਗ ਵੱਲੋਂ ਜਾਰੀ ਅੰਕੜਿਆਂ ਮੁਤਾਬਕ, ਜਲੰਧਰ ‘ਚ 494, ਮੋਹਾਲੀ ‘ਚ 409, ਲੁਧਿਆਣਾ ‘ਚ 395, ਕਪੂਰਥਲਾ ‘ਚ 327 ਅਤੇ ਅੰਮ੍ਰਿਤਸਰ ‘ਚ 304 ਲੋਕ ਕੋਰੋਨਾ ਪਾਜ਼ੀਟਿਵ ਪਾਏ ਗਏ ਹਨ। ਇਸ ਤੋਂ ਇਲਾਵਾ ਪਟਿਆਲਾ ‘ਚ 285, ਹੁਸ਼ਿਆਰਪੁਰ ‘ਚ 202, ਗੁਰਦਾਸਪੁਰ ‘ਚ 144, ਨਵਾਂਸ਼ਹਿਰ ‘ਚ 92, ਬਠਿੰਡਾ ‘ਚ 79, ਰੋਪੜ ‘ਚ 66 ਅਤੇ ਤਰਨਤਾਰਨ ‘ਚ 54 ਕੋਰੋਨਾ ਕੇਸ ਸਾਹਮਣੇ ਆਏ ਹਨ। ਫ਼ਤਿਹਗੜ੍ਹ ਸਾਹਿਬ ‘ਚ 48, ਸੰਗਰੂਰ ਤੇ ਫ਼ਰੀਦਕੋਟ ‘ਚ 46-46, ਫ਼ਾਜ਼ਿਲਕਾ ‘ਚ 41, ਮੁਕਤਸਰ ‘ਚ 37, ਮੋਗਾ ‘ਚ 34, ਫਿਰੋਜ਼ਪੁਰ ‘ਚ 32, ਮਾਨਸਾ ‘ਚ 26, ਬਰਨਾਲਾ ‘ਚ 12 ਅਤੇ ਪਠਾਨਕੋਟ ‘ਚ 3 ਲੋਕਾਂ ‘ਚ ਕੋਰੋਨਾ ਦੀ ਪੁਸ਼ਟੀ ਹੋਈ ਹੈ।
ਮੌਤਾਂ ਦੇ ਅੰਕੜਿਆਂ ‘ਤੇ ਨਜ਼ਰ ਮਾਰੀਏ, ਤਾਂ ਜਲੰਧਰ ਤੇ ਹੁਸ਼ਿਆਰਪੁਰ ‘ਚ ਸਭ ਤੋਂ ਵੱਧ 14-14, ਲੁਧਿਆਣਾ ‘ਚ 5, ਅੰਮ੍ਰਿਤਸਰ, ਬਠਿੰਡਾ, ਕਪੂਰਥਲਾ ਤੇ ਨਵਾਂਸ਼ਹਿਰ ‘ਚ 4-4 ਲੋਕਾਂ ਨੇ ਕੋਰੋਨਾ ਦੇ ਚਲਦੇ ਦਮ ਤੋੜ ਦਿੱਤਾ। ਇਸ ਤੋਂ ਇਲਾਵਾ ਪਟਿਆਲਾ ‘ਚ 3, ਸੰਗਰੂਰ ‘ਚ 2 ਅਤੇ ਫ਼ਰੀਦਕੋਟ, ਗੁਰਦਾਸਪੁਰ, ਮੋਹਾਲੀ, ਰੋਪੜ ਅਤੇ ਤਰਨਤਾਰਨ ‘ਚ 1-1 ਸ਼ਖਸ ਦੀ ਮੌਤ ਦੀ ਖ਼ਬਰ ਹੈ।