ਮੁੰਬਈ। ਕਹਿੰਦੇ ਨੇ ਕਿ ਮਾਇਆਨਗਰੀ ਮੁੰਬਈ ਕਦੇ ਰੁਕਦੀ ਨਹੀਂ, ਪਰ ਇਹ ਕਥਨੀ ਕੋਰੋਨਾ ‘ਚ ਵੀ ਸਹੀ ਸਾਬਿਤ ਹੋਵੇਗੀ, ਇਹ ਕਿਸੇ ਨੇ ਸੋਚਿਆ ਨਹੀਂ ਹੋਣਾ। ਅੱਜ ਦੇ ਸਮੇਂ ‘ਚ ਮੁੰਬਈ ‘ਚ ਰੋਜ਼ਾਨਾ ਕੋਰੋਨਾ ਦੇ ਇੰਨੇ ਕੇਸ ਸਾਹਮਣੇ ਆ ਰਹੇ ਹਨ ਕਿ ਸੁਣ ਕੇ ਰੂਹ ਕੰਬ ਜਾਂਦੀ ਹੈ। ਇਥੋਂ ਤੱਕ ਕਿ ਬਾਲੀਵੁੱਡ ਸਟਾਰ ਵੀ ਲਗਾਤਾਰ ਇਸਦੀ ਚਪੇਟ ‘ਚ ਆ ਰਹੇ ਹਨ। ਬਾਵਜੂਦ ਇਸਦੇ ਕਿ ਉਹ ਖੁਦ ਵੀ ਇੰਨੀ ਸਾਵਧਾਨੀ ਵਰਤਦੇ ਨਜ਼ਰ ਆਉਂਦੇ ਹਨ, ਬਲਕਿ ਹੋਰਾਂ ਨੂੰ ਵੀ ਪ੍ਰੇਰਿਤ ਕਰਦੇ ਹਨ।
ਤਾਜ਼ਾ ਮਾਮਲੇ ਦੀ ਗੱਲ ਕਰੀਏ, ਤਾਂ ਹੁਣ ਬਾਲੀਵੁੱਡ ਸਟਾਰ ਕੈਟਰੀਨਾ ਕੈਫ਼ ਪਾਜ਼ੀਟਿਵ ਪਾਏ ਗਏ ਹਨ। ਉਹ ਤੁਰੰਤ ਹੋਮ ਆਈਸੋਲੇਸ਼ਨ ‘ਚ ਚਲੇ ਗਏ ਹਨ। ਕੈਟਰੀਨਾ ਨੇ ਇੰਸਟਾਗ੍ਰਾਮ ‘ਤੇ ਸਟੋਰੀ ਪੋਸਟ ਕਰ ਖੁਦ ਦੇ ਸੰਕ੍ਰਮਿਤ ਹੋਣ ਬਾਰੇ ਜਾਣਕਾਰੀ ਦਿੱਤੀ। ਇਸਦੇ ਨਾਲ ਹੀ ਉਹਨਾਂ ਆਪਣੇ ਸੰਪਰਕ ‘ਚ ਆਏ ਹੋਰ ਲੋਕਾਂ ਨੂੰ ਵੀ ਟੈਸਟ ਕਰਵਾਉਣ ਦੀ ਅਪੀਲ ਕੀਤੀ।
ਕਾਬਿਲੇਗੌਰ ਹੈ ਕਿ ਇਸ ਤੋਂ ਪਹਿਲਾਂ ਅਦਾਕਾਰ ਵਿੱਕੀ ਕੌਸ਼ਲ, ਅਕਸ਼ੇ ਕੁਮਾਰ, ਗੋਵਿੰਦਾ, ਭੂਮੀ ਪੇਡਨੇਕਰ, ਆਲਿਆ ਭੱਟ ਤੇ ਪਰੇਸ਼ ਰਾਵਲ ਸਣੇ ਕਈ ਬਾਲੀਵੁੱਡ ਸਿਤਾਰੇ ਕੋਰੋਨਾ ਦੀ ਚਪੇਟ ‘ਚ ਆ ਚੁੱਕੇ ਹਨ।
