ਚੰਡੀਗੜ੍ਹ। ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਨੇ ਨਵਾਂ ਸਿਆਸੀ ਧਮਾਕਾ ਕਰਦਿਆਂ ਇੱਕ ਵੱਡਾ ਇਲਜ਼ਾਮ ਲਗਾ ਦਿੱਤਾ ਹੈ। ਚੰਡੀਗੜ੍ਹ ਦੇ ਲਾਅ ਭਵਨ ਵਿਖੇ ਕਰਵਾਏ ਗਏ ‘ਬੋਲਦਾ ਪੰਜਾਬ’ ਪ੍ਰੋਗਰਾਮ ਵਿੱਚ ਸਿੱਧੂ ਨੇ ਕਿਹਾ ਕਿ ਮੋਹਾਲੀ ਵਿੱਚ 1.5 ਲੱਖ ਕਰੋੜ ਦੀ ਜ਼ਮੀਨ ਤੇ ਗੈਰ ਕਾਨੂੰਨੀ ਕਬਜ਼ਾ ਹੈ। ਸਿੱਧੂ ਨੇ ਜਸਟਿਸ ਕੁਲਦੀਪ ਸਿੰਘ ਕਮਿਸ਼ਨ ਦੀ ਰਿਪੋਰਟ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਇਸ ਵਿੱਚੋਂ 900 ਏਕੜ ਜ਼ਮੀਨ ‘ਤੇ ਤਾਂ 2 ਮੁੱਖ ਮੰਤਰੀਆਂ ਨੇ ਹੀ ਕਬਜਾ ਕੀਤਾ ਹੋਇਆ ਹੈ।
ਹਾਲਾਂਕਿ ਸਿੱਧੂ ਨੇ ਨਾਂਅ ਨਹੀਂ ਦੱਸੇ। ਉਹਨਾਂ ਕਿਹਾ, “ਰਿਪੋਰਟ ਪੜ੍ਹੋ, ਉਸ ਵਿੱਚ ਕਈ ਲੀਡਰਾਂ ਦੇ ਨਾਂਅ ਹਨ, ਜਿਹਨਾਂ ਨੂੰ ਪੜ੍ਹ ਕੇ ਪੈਰਾਂ ਥੱਲਿਓਂ ਜ਼ਮੀਨ ਖਿਸਕ ਜਾਵੇਗੀ।”
ਮੈਂ ਸ਼ੋਅਪੀਸ ਨਹੀਂ ਬਣਾਂਗਾ- ਸਿੱਧੂ
ਇਸ ਦੌਰਾਨ ਸਿੱਧੂ ਦਾ ਦਰਦ ਵੀ ਝਲਕਿਆ। ਸਿੱਧੂ ਨੇ ਕਿਹਾ, “ਸਿਆਸਤ ਵਿੱਚ ਚੰਗੇ ਆਦਮੀ ਨੂੰ ਸ਼ੋਅਪੀਸ ਬਣਾ ਦਿੱਤਾ ਜਾਂਦਾ ਹੈ। ਉਸ ਨੂੰ ਮੋਹਰਾ ਬਣਾ ਕੇ ਚੋਣਾਂ ਜਿਤਾਉਣ ਲਈ ਰੱਖਿਆ ਜਾਂਦਾ ਹੈ, ਪਰ ਮੈੰ ਕਿਸੇ ਦਾ ਸ਼ੋਅਪੀਸ ਅਤੇ ਮੋਹਰਾ ਨਹੀਂ ਬਣਾਂਗਾ।”
ਪ੍ਰਿਅੰਕਾ-ਰਾਹੁਲ ਦਾ ਸਾਥ ਨਹੀਂ ਛੱਡਾਂਗਾ- ਸਿੱਧੂ
ਨਵਜੋਤ ਸਿੱਧੂ ਨੇ ਕਿਹਾ ਕਿ ਉਹ ਪ੍ਰਿਅੰਕਾ ਗਾਂਧੀ ਅਤੇ ਰਾਹੁਲ ਗਾਂਧੀ ਦਾ ਸਾਥ ਨਹੀਂ ਛੱਡਣਗੇ। ਉਹਨਾਂ ਕਿਹਾ, “ਸਿੱਧੂ ਨੇ ਜੋ ਵਚਨ ਦਿੱਤਾ ਹੈ, ਉਸ ‘ਤੇ ਕਾਇਮ ਰਹਾਂਗਾ। ਜੋ ਜਿੰਮੇਵਾਰੀ ਮਿਲੇਗੀ, ਉਸ ਨੂੰ ਨਿਭਾਵਾਂਗਾ। ਜੇਕਰ ਕੋਈ ਜਿੰਮੇਵਾਰੀ ਨਹੀਂ ਵੀ ਦਿੱਤੀ ਗਈ, ਤਾਂ ਵੀ ਉਹਨਾਂ ਦਾ ਸਾਥ ਨਹੀਂ ਛੱਡਾਂਗਾ।
