ਨਿਊਜ਼ ਡੈਸਕ। ਪੰਜਾਬ ਦੀ ਸਿਆਸਤ ਖਾਸਕਰ ਕਾਂਗਰਸ ਪਾਰਟੀ ‘ਚ ਪਿਛਲੇ ਕੁਝ ਦਿਨਾਂ ਤੋਂ ਕੁਝ ਵੀ ਠੀਕ ਨਹੀਂ ਚੱਲ ਰਿਹਾ। ਸਾਬਕਾ ਕੈਬਨਿਟ ਮੰਤਰੀ ਨਵਜੋਤ ਸਿੱਧੂ ਵੱਲੋਂ ਲਗਾਤਾਰ ਮੁੱਖ ਮੰਤਰੀ ‘ਤੇ ਹਮਲੇ ਬੋਲਣ ਤੋਂ ਬਾਅਦ ਜਦੋਂ ਸੀਐੱਮ ਨੇ ਚੁੱਪੀ ਤੋੜੀ, ਤਾਂ ਸਿੱਧੂ ਖਿਲਾਫ਼ ਬਹੁਤ ਕੁਝ ਬੋਲ ਗਏ। ਕੈਪਟਨ ਨੇ ਇੱਕ ਤੋਂ ਬਾਅਦ ਇੱਕ 2 ਇੰਟਰਵਿਊ ‘ਚ ਸਿੱਧੂ ਬਾਰੇ ਉਹ ਸਭ ਗੱਲਾਂ ਕਹਿ ਦਿੱਤੀਆਂ, ਜੋ ਸਿਆਸੀ ਬਜ਼ਾਰ ‘ਚ ਚੱਲ ਰਹੀਆਂ ਕਿਆਸਰਾਈਆਂ ਨੂੰ ਹਵਾ ਦੇਣ ਲਈ ਕਾਫ਼ੀ ਸਨ।
ਸੀਐੱਮ ਕੈਪਟਨ ਦੇ ਪਹਿਲੇ ਇੰਟਰਵਿਊ ਤੋਂ ਬਾਅਦ ਸਿੱਧੂ ਨੇ ਉਹਨਾਂ ਦੀ ਅਗਵਾਈ ‘ਤੇ ਸਵਾਲ ਚੁੱਕਣ ਨੂੰ ਬਿਲਕੁੱਲ ਵੀ ਦੇਰ ਨਹੀਂ ਲਗਾਈ, ਪਰ ਪਿਛਲੇ 3 ਦਿਨਾਂ ਤੋਂ ਸਿੱਧੂ ਟਵਿਟਰ ਤੋਂ ਨਦਾਰਦ ਸਨ। ਇਹ ਵੀ ਪੜ੍ਹੋ:- ਕੈਪਟਨ ਦੀ ਅਗਵਾਈ ‘ਤੇ ਸਵਾਲ, ਕੀ ਸਿੱਧੂ ਨੂੰ ਹੋਵੇਗਾ ਇਸਦਾ ‘ਮਲਾਲ’?
ਸ਼ਨੀਵਾਰ ਨੂੰ ਜਦੋਂ 3 ਦਿਨਾਂ ਬਾਅਦ ਸਿੱਧੂ ਨੇ ਇੱਕ ਹੋਰ ਟਵੀਟ ਕੀਤਾ, ਤਾਂ ਉਹ ਕੈਪਟਨ ਅਮਰਿੰਦਰ ਸਿੰਘ ਦੇ ਉਸ ਇੰਟਰਵਿਊ ਨੂੰ ਸਮਰਪਿਤ ਸੀ, ਜਿਸ ‘ਚ ਮੁੱਖ ਮੰਤਰੀ ਨੇ ਸਾਫ਼ ਸ਼ਬਦਾਂ ‘ਚ ਕਿਹਾ ਸੀ ਕਿ ਸਿੱਧੂ ਲਈ ਉਹਨਾਂ ਦੇ ਦਰਵਾਜ਼ੇ ਹੁਣ ਬੰਦ ਹਨ। ਹਾਲਾਂਕਿ ਸਿੱਧੂ ਉਸ ‘ਤੇ ਤਾਂ ਕੁਝ ਨਹੀਂ ਬੋਲੇ, ਪਰ ਬੇਅਦਬੀ ਅਤੇ ਗੋਲੀ ਕਾਂਡ ਬਾਰੇ ਕੈਪਟਨ ਦੇ ਬਿਆਨ ਨੂੰ ਲੈ ਕੇ ਸਿੱਧੂ ਨੇ ਉਹਨਾਂ ਨੂੰ ਚੋਣਾਂ ਤੋਂ ਪਹਿਲਾਂ ਕੀਤਾ ਆਪਣਾ ਵਾਅਦਾ ਯਾਦ ਦੁਆ ਦਿੱਤਾ।
ਟਵਿਟਰ ‘ਤੇ ਕੈਪਟਨ ਦੀ ਵੀਡੀਓ ਸ਼ੇਅਰ ਕਰਦਿਆਂ ਸਿੱਧੂ ਨੇ ਲਿਖਿਆ, “ਸ਼ੇਖੀ ਮਾਰੀ, ਪਰ ਪੱਲੇ ਕੁਝ ਨਹੀਂ..ਦਹਾੜ ਮਾਰੀ, ਪਰ ਕੀਤਾ ਕੁਝ ਨਹੀਂ।”
Big Boast, Small Roast …
Big Outcry, No Outcome …#ਬੇਅਦਬੀ #Sacrilege #Bargari pic.twitter.com/kq8BTmxcjf— Navjot Singh Sidhu (@sherryontopp) May 1, 2021
ਇਸਦੇ ਨਾਲ ਹੀ ਨਵਜੋਤ ਸਿੱਧੂ ਨੇ ਕਾਂਗਰਸ ਪ੍ਰਧਾਨ ਸੁਨੀਲ ਜਾਖੜ ਨਾਲ ਉਸ ਪ੍ਰੈੱਸ ਕਾਨਫ਼ਰੰਸ ਦੀ ਵੀਡੀਓ ਵੀ ਸਾਂਝੀ ਕੀਤੀ, ਜਿਸ ‘ਚ ਦੋਵੇਂ ਆਗੂ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਤੋਂ ਬਾਦਲਾਂ ਖਿਲਾਫ਼ ਕਾਰਵਾਈ ਦੀ ਮੰਗ ਕਰ ਰਹੇ ਸਨ।
People of Punjab did not elect the High Court Judge, Blaming the Verdict for what is failure of Executive Authority will not be accepted. My Stand Yesterday, Today & Tomorrow – Justice for Punjab’s Soul … Letter to Jathedar Akal Takht Sahib for Ex-Communication of Badals (2018) pic.twitter.com/ibOlJzfm4M
— Navjot Singh Sidhu (@sherryontopp) May 1, 2021
ਕਾਂਗਰਸ ਅੰਦਰ ਇਸ ਪੱਧਰ ‘ਤੇ ਚੱਲ ਰਹੀ ਬਿਆਨਬਾਜ਼ੀ ਦਾ ਅੰਜਾਮ ਕੀ ਹੋਵੇਗਾ। ਕੀ ਸਿੱਧੂ ਇਹਨਾਂ ਬਿਆਨਬਾਜ਼ੀਆਂ ਦੇ ਬਾਵਜੂਦ ਪਾਰਟੀ ‘ਚ ਬਣੇ ਰਹਿਣਗੇ ਜਾਂ ਬਾਹਰ ਨਿਕਲ ਕੇ ਆਪਣਾ ਰਸਤਾ ਖੁਦ ਤੈਅ ਕਰਨਗੇ। ਇਸ ਸਵਾਲ ਦਾ ਜਵਾਬ ਜਾਣਨ ਲਈ ਸੂਬੇ ਦੀ ਜਨਤਾ ਬੇਤਾਬ ਹੈ।
