ਜਲੰਧਰ। ਅੱਜ ਪੂਰਾ ਦੇਸ਼ ਸੰਵਿਧਾਨ ਦੇ ਰਚਣਹਾਰੇ ਡਾ. ਭੀਮਰਾਓ ਅੰਬੇਡਕਰ ਜੀ ਦਾ ਜਨਮ ਦਿਹਾੜਾ ਮਨਾ ਰਿਹਾ ਹੈ। ਕਈ ਸਿਆਸਤਦਾਨਾਂ ਵੱਲੋਂ ਵੀ ਬਾਬਾ ਸਾਹੇਬ ਨੂੰ ਯਾਦ ਕਰਦਿਆਂ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ ਗਏ। ਪਰ ਇਸ ਦੌਰਾਨ ਇੱਕ ਵੱਡੇ ਐਲਾਨ ਨੇ ਸਭ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ।
ਜਲੰਧਰ ‘ਚ ਡਾ. ਅੰਬੇਡਕਰ ਨੂੰ ਸ਼ਰਧਾਂਜਲੀ ਭੇਂਟ ਕਰਨ ਪਹੁੰਚੇ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਨੇ ਐਲਾਨ ਕੀਤਾ ਕਿ 2022 ‘ਚ ਜੇਕਰ ਉਹਨਾਂ ਦੀ ਸਰਕਾਰ ਸੱਤਾ ‘ਚ ਆਉਂਦੀ ਹੈ, ਤਾਂ ਡਿਪਟੀ ਸੀਐੱਮ ਦਲਿਤ ਭਾਈਚਾਰੇ ਦਾ ਹੋਵੇਗਾ। ਇਸਦੇ ਨਾਲ ਹੀ ਉਹਨਾਂ ਦੋਆਬਾ ‘ਚ ਬਾਬਾ ਸਾਹੇਬ ਦੇ ਨਾੰਅ ‘ਤੇ ਇੱਕ ਯੂਨੀਵਰਸਿਟੀ ਬਣਾਏ ਜਾਣ ਦਾ ਵੀ ਐਲਾਨ ਕੀਤਾ।
.@Akali_Dal_ is proud to follow the ideals of Babasaheb Dr BR Ambedkar ji. We are committed to working for the weak & downtrodden. Once SAD forms govt in Punjab in 2022, the Deputy CM will be from Dalit bhaichara. We will also establish a University in Doaba in Babasaheb’s name. pic.twitter.com/pzFzrJvHzu
— Sukhbir Singh Badal (@officeofssbadal) April 14, 2021
ਖੁਦ ਨੂੰ CM ਚਿਹਰਾ ਦੱਸ ਚੁੱਕੇ ਹਨ ਸੁਖਬੀਰ !
ਹਾਲ ਹੀ ‘ਚ ਇੱਕ ਨਿੱਜੀ ਚੈਨਲ ਨਾਲ ਇੰਟਰਵਿਊ ਦੌਰਾਨ ਸੁਖਬੀਰ ਬਾਦਲ ਖੁਦ ਨੂੰ ਅਕਾਲੀ ਦਲ ਦਾ CM ਚਿਹਰਾ ਦੱਸ ਚੁੱਕੇ ਹਨ। ਇੱਕ ਸਵਾਲ ਦੇ ਜਵਾਬ ‘ਚ ਸੁਖਬੀਰ ਬਾਦਲ ਨੇ ਕਿਹਾ ਸੀ ਕਿ ਫਿਲਹਾਲ ਉਹ ਹੀ ਪਾਰਟੀ ‘ਚ ਮੁੱਖ ਮੰਤਰੀ ਦਾ ਚਿਹਰਾ ਹਨ, ਪਰ ਫ਼ੈਸਲਾ ਪਾਰਟੀ ਕਰੇਗੀ। ਬਹਿਰਹਾਲ, ਪਾਰਟੀ ‘ਚ ਕਿਸਦਾ ਫ਼ੈਸਲਾ ਮੰਨਿਆ ਜਾਂਦਾ ਹੈ, ਇਹ ਕਹਿਣ ਦੀ ਲੋੜ ਨਹੀਂ। ਇਸ ਲਈ ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਪਾਰਟੀ ਪ੍ਰਧਾਨ ਹੋਣ ਦੇ ਨਾਤੇ ਜੇਕਰ ਸੁਖਬੀਰ ਇਸ ਤਰ੍ਹਾਂ ਦਾ ਬਿਆਨ ਦੇ ਰਹੇ ਹਨ, ਮਤਲਬ ਸਾਫ਼ ਹੈ ਕਿ ਚੋਣ ਜਿੱਤਣ ‘ਤੇ ਸੂਬੇ ਦੀ ਕਂਮਾਨ ਓਹੀ ਸੰਭਾਲਣਗੇ।
