ਚੰਡੀਗੜ੍ਹ। ਭਾਰਤ ਦੇ ਫਲਾਇੰਗ ਸਿੱਖ ਮਿਲਖਾ ਸਿੰਘ ਨੂੰ ਇੱਕ ਵਾਰ ਫਿਰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ। ਮੋਹਾਲੀ ਦੇ ਫੋਰਟਿਸ ਹਸਪਤਾਲ ਤੋਂ ਛੁੱਟੀ ਮਿਲਣ ਦੇ 4 ਦਿਨ ਬਾਅਦ ਉਹਨਾਂ ਨੂੰ ਵੀਰਵਾਰ ਨੂੰ PGI ਚੰਡੀਗੜ੍ਹ ਦਾਖਲ ਕੀਤਾ ਗਿਆ।
PGI ਵੱਲੋਂ ਜਾਰੀ ਬਿਆਨ ਮੁਤਾਬਕ, “ਮਿਲਖਾ ਸਿੰਘ ਦਾ ਆਕਸੀਜ਼ਨ ਲੈਵਲ ਡਿੱਗਣ ਦੇ ਚਲਦੇ ਉਹਨਾਂ ਨੂੰ ਇਥੇ ਦਾਖਲ ਕਰਵਾਇਆ ਗਿਆ ਹੈ। ਉਹ PGI ਦੇ ਕੋਵਿਡ ਹਸਪਤਾਲ ‘ਚ ICU ‘ਚ ਹਨ। ਉਹਨਾਂ ਨੂੰ ਨਿਗਰਾਨੀ ‘ਚ ਰੱਖਿਆ ਗਿਆ ਹੈ ਅਤੇ ਉਹਨਾ ਂਦੀ ਹਾਲਤ ਸਥਿਰ ਹੈ।”
Former Indian sprinter Milkha Singh admitted in ICU in Covid Hospital of PGIMER today due to dipping levels of oxygen. He has been kept under observation & is stable now: Prof Ashok Kumar, Official Spokesperson, Post Graduate Institute of Medical Education & Research, Chandigarh pic.twitter.com/GC2tIgQrQr
— ANI (@ANI) June 3, 2021
19 ਮਈ ਨੂੰ ਕੋਰੋਨਾ ਪਾਜ਼ੀਟਿਵ ਪਾਏ ਗਏ ਸਨ
ਦੱਸਣਯੋਗ ਹੈ ਕਿ ਮਿਲਖਾ ਸਿੰਘ ਦੇ ਘਰ ਕੰਮ ਕਰਨ ਵਾਲੇ ਕੁੱਕ ਦੇ ਕੋਰੋਨਾ ਪਾਜ਼ੀਟਿਵ ਪਾਏ ਜਾਣ ਤੋਂ ਬਾਅਦ ਮਿਲਖਾ ਸਿੰਘ ਕੋਰੋਨਾ ਦੀ ਚਪੇਟ ‘ਚ ਆ ਗਏ ਸਨ। ਕੁਝ ਦਿਨ ਉਹ ਆਪਣੇ ਘਰ ‘ਚ ਹੀ ਹੋਮ ਆਈਸੋਲੇਸ਼ਨ ‘ਚ ਰਹੇ ਸਨ, ਪਰ 24 ਮਈ ਨੂੰ ਆਕਸੀਜ਼ਨ ਲੈਵਲ ਘਟਣ ਦੇ ਨਾਲ-ਨਾਲ ਡਾਇਰੀਆ ਅਤੇ ਡਿਹਾਈਡ੍ਰੇਸ਼ਨ ਦੇ ਚਲਦੇ ਉਹਨਾਂ ਨੂੰ ਮੋਹਾਲੀ ਦੇ ਫੋਰਟਿਸ ਹਸਪਤਾਲ ਦਾਖਲ ਕਰਵਾਇਆ ਗਿਆ ਸੀ। ਪਿਛਲੇ ਐਤਵਾਰ ਹੀ ਉਹਨਾਂ ਨੂੰ ਹਸਪਤਾਲ ਤੋਂ ਛੁੱਟੀ ਦਿੱਤੀ ਗਈ ਸੀ।
ਮਿਲਖਾ ਸਿੰਘ ਦੀ ਪਤਨੀ ਵੀ ਹਸਪਤਾਲ ‘ਚ ਹਨ
ਇਥੇ ਇਹ ਵੀ ਦੱਸਣਯੋਗ ਹੈ ਕਿ ਮਿਲਖਾ ਸਿੰਘ ਦੀ ਪਤਨੀ ਅਤੇ ਭਾਰਤੀ ਵਾਲੀਬਾਲ ਟੀਮ ਦੀ ਸਾਬਕਾ ਕਪਤਾਨ ਨਿਰਮਲ ਕੌਰ ਵੀ ਕੋਰੋਨਾ ਨਾਲ ਜੂਝ ਰਹੇ ਹਨ। ਉਹਨਾਂ ਨੂੰ ਮਿਲਖਾ ਸਿੰਘ ਦੇ ਮੋਹਾਲੀ ਹਸਪਤਾਲ ਦਾਖਲ ਹੋਣ ਤੋਂ 2 ਦਿਨ ਬਾਅਦ ਉਸੇ ਹਸਪਤਾਲ ਦਾਖਲ ਕਰਵਾਇਆ ਗਿਆ ਸੀ। ਨਿਰਮਲ ਕੌਰ ਆਕਸੀਜ਼ਨ ਦੀ ਲਗਾਤਾਰ ਜ਼ਰੂਰਤ ਦੇ ਚਲਦੇ ਫੋਰਟਿਸ ਮੋਹਾਲੀ ਦੇ iCU ‘ਚ ਹੀ ਭਰਤੀ ਹਨ।
