ਚੰਡੀਗੜ੍ਹ। ਹਰਿਆਣਾ ‘ਚ ਕੋਰੋਨਾ ਲਗਾਤਾਰ ਕਹਿਰ ਮਚਾ ਰਿਹਾ ਹੈ। ਸੂਬੇ ‘ਚ ਰੋਜ਼ਾਨਾ ਵੱਧਦੇ ਜਾ ਰਹੇ ਕੋਰੋਨਾ ਕੇਸਾਂ ਦੇ ਮੱਦੇਨਜ਼ਰ ਹਰਿਆਣਾ ਸਰਕਾਰ ਨੇ ਸਖਤੀ ਹੋਰ ਵਧਾ ਦਿੱਤੀ ਹੈ। ਨਵੇਂ ਨਿਯਮਾਂ ਤਹਿਤ ਹਰਿਆਣਾ ‘ਚ ਅੱਜ ਤੋਂ ਸ਼ਾਮ 6 ਵਜੇ ਸਾਰੇ ਬਜ਼ਾਰ ਬੰਦ ਹੋਣਗੇ। ਇਸਦੇ ਨਾਲ ਹੀ ਗੈਰ-ਜ਼ਰੂਰੀ ਥਾਵਾਂ ‘ਤੇ ਭੀੜ ਜੁਟਾਉਣ ਦੀ ਇਜਾਜ਼ਤ ਨਹੀਂ ਹੋਵੇਗੀ। ਕੋਈ ਸਮਾਗਮ ਕਰਨ ਤੋਂ ਪਹਿਲਾਂ SDM ਦੀ ਮਨਜ਼ੂਰੀ ਲੈਣਾ ਲਾਜ਼ਮੀ ਕੀਤਾ ਗਿਆ ਹੈ।
All shops will remain closed from 6 pm onward in Haryana from Tomorrow, all non essential gatherings are banned, anybody holding any function within prescribed limit will have to seek permission from concerned SDM.
— ANIL VIJ MINISTER HARYANA (@anilvijminister) April 22, 2021
24 ਘੰਟਿਆਂ ‘ਚ ਰਿਕਾਰਡ ਕੇਸ
ਹਰਿਆਣਾ ‘ਚ ਕੋਰੋਨਾ ਦੇ ਅੰਕੜੇ ਲਗਾਤਾਰ ਚਿੰਤਾ ਵਧਾ ਰਹੇ ਹਨ। ਲਗਾਤਾਰ ਦੂਜੇ ਦਿਨ 10 ਹਜ਼ਾਰ ਦੇ ਕਰੀਬ ਮਾਮਲੇ ਸਾਹਮਣੇ ਆਏ ਹਨ। 24 ਘੰਟਿਆਂ ‘ਚ 9742 ਨਵੇਂ ਮਾਮਲੇ ਰਿਪੋਰਟ ਹੋਏ ਹਨ, ਜਦਕਿ 55 ਲੋਕ ਕੋਰੋਨਾ ਤੋਂ ਜ਼ਿੰਦਗੀ ਦੀ ਜੰਗ ਹਾਰ ਗਏ। ਹਰਿਆਣਾ ‘ਚ ਗੁਰੂਗ੍ਰਾਮ ਸਭ ਤੋਂ ਵੱਧ ਪ੍ਰਭਾਵਿਤ ਜ਼ਿਲ੍ਹਾ ਹੈ। ਪਿਛਲੇ 24 ਘੰਟਿਆਂ ‘ਚ ਇਥੇ 3500 ਤੋਂ ਵੱਧ ਮਾਮਲੇ ਸਾਹਮਣੇ ਆਏ ਹਨ।
